杭州西湖

又check out，今次去杭州，一落火車去搭公交，俾好多人搭訕，問我地去邊，係邊度人，又介紹我地去玩。究竟係杭州人太熱情，定係我地係條大水魚？

行去hostel，還算易找，上到去房，仲未執房，我地又hea左陣等人黎執房，開始落雨，著住背心好凍，江南落雨係靚d，我地三個一人一把遮，走去曲院風荷，但d花俾雨打到殘哂，好大風，好好feel。




落完雨個天好靚，但d花真係殘哂。
去kfc食tea，再返去hostel食飯，夜晚返走見到rmmate，佢帶左個fd返黎，傾左好耐，傾得好開心。

第二日一滴雨都無，但都唔算太熱，好過係蘇州啦。
呢日我地搭公交，經過好多景點，仲係途中見到有個細路急尿，跟住佢呀媽抱住佢係公交車既垃圾桶度解決，個垃圾桶無袋而且有窿，d尿流到出口條樓梯，落車時都唔知踩唔踩落去好，好彩到我地落車時己經乾左，當乜都睇唔到。
今日第一站去蘇堤，一落車見到有船，即刻玩半個鐘，我做船長，哈哈，唔駛自己踩真係開心，仲好抵tim，半個鐘20蚊，電動船，北京喪貴架。


坐完船仔就喪行，無目的地圍住個湖行，見到草地好掛住日本，又係跳既時候。我仲好心援助左一個老人露宿宿，哈哈。


雷峰塔，可能因為我地wkend去到，所以周圍都好多人。


一路行，入左supermarket買西柚汁飲，正，之後行去清河坊，其實只係一條街有好多舊鋪同仿古建築，而條街既所在位置係杭州以前好繁華既地方。

又係旅遊中心救我地一命，我地充完電就決定去搵starbucks。

新野飲，香港都有，爸爸話芒果熱情果得芒果味，而我果個... ... 我覺得just石榴會好飲好多囉。
starbucks之後再行西湖。





我地行左去白堤，行下玩下影下相，去到白堤，搭車返hostel，睇古靈精探，爸爸無睇過，睇得好開心，仲睇到唔想返上樓tim。