蘇州博物館拙政園獅子林

這天對比起同里，簡直係天堂與地獄既分別。
同里之行估計over四十度，呢日去博物館拙政園有冷氣之餘，去到拙政園獅子林仲落微微細雨，真係上有天堂，下有蘇杭。(成句野好唔make sense)
搭公交去到蘇州博物館，原來又係免費入場，可惜入場時佢收返張飛，可能因為免費，所以都幾多人。

當然對比北京首都博物館，都係北京好睇d，但係，有d展品都幾靚。不過overall，都係首都規劃好d，蘇州好似剩係俾人睇個建築多於展品。

太平天國忠王府，好大，d傢俱好靚。


行完博物館，就行去拙政園，又係好多女人追住你問要唔要導遊。
一入去就係園林，行到去個亭，買左雪條食就落雨，結果係亭入面坐左陣，見到無甘大雨就衝出去lu。其實都唔係好大雨，d水滴好大但好疏。

今次終於有荷花睇，唔知今年咩事，上年白洋淀個d靚到爆，開得又密又大，今年開得麻麻，難得係拙政園見到d似返個樣既荷花。

拙政園多水，不過有d建築都好有特色。睇住個地圖覺得好大，但係行到入去，又唔算大，好似好快就行完，得閒見到d旅行團，聽下佢地既講解都幾好，又坐下休息下玩下爸爸，hahahaha。


行完拙政園就行去獅子林，途中經過蘇州民俗博物館，又係免費。就入左去，跟住聽到好多打雷聲，好驚落雨，因為得爸爸一個有傘，結果行左陣就去獅子林，原來獅子林就係隔離。
每一個景點都會有好多女人過黎問要唔要導遊，煩死，點解佢地唔問爸爸，剩係問我同sister anthea。
獅子林係元代園林，以假山著名，入邊又係好多人，好多學生，見到有團廣東學生，有個男仔係廁所門口好大聲埋怨有人放屁，笑死我。


落雨涼爽先有心情影相，係同里熱到中暑，真係無mood。
獅子林場雨落左好耐，由好多人到落雨變成無人，真係好好笑。爸爸仲遇見一個同佢著情侶裝既細路。


獅子林仲細，如果唔係落雨，應該好快就行完。
不過因為落雨，所以唔敢行入去d假山度。
行完獅子林出返去搭車返hostel睇dvd lu，we love dvd area。兩晚睇左三四套戲，有法國鬼仔相伴。