木瀆上海

最後一日留係蘇州去左木瀆，係火車站搭車，木瀆website話半個鐘，結果坐左成個鐘，坐到屎忽痛，一落車見到有kfc，忍唔住衝左過去，享受一下冷氣同食物。
木瀆有三個站，千祈唔好係古鎮個站落，因為要去到嚴家花園站先係旅遊區，website話乾隆黎過六七次，但其實木瀆都幾荒蕪。
又要行好遠先到d景點，而且又係無咩人，我諗真係無人好似我地甘傻大熱天時黎呢d地方等中暑。
嚴家花園分春夏秋冬四景既花園仔，又係無咩人，得兩團旅行團同我地三個。




爸爸係嚴家花園扮江南才子，其實係俾我地迫，本來諗住去多個地方，但係太熱，之前坐車又太耐太攰，所以決定返去hostel睇dvd。

返到去hostel，睇左陣dvd，就俾人趕走左，因為要換屋頂d玻璃，結果我地再去行七里山塘。

落雨又有另一番風味。


行行下又落雨，三個人都無帶遮，岩岩入去便利店買野飲，老闆好好心收留我地，留左陣見無咩雨，就出返去，返hostel繼續睇dvd。
第二朝返上海，食返個早餐先。係度喪同笨笨影相，笨笨係我同sister anthea唯一既狗朋友。



返到去上海，又係hostel hea左陣就去書城，搭地鐵，本來諗住去南京東路落，點知d人多到係甘迫上車又唔俾人落車，迫到透唔到氣，仲慘過係香港，結果我地等轉車站人民廣場站落，爸爸奮力落車之際，個袋勾住左一個男人既褲，我同sister anthea只係聽到個男人係度喪叫「褲子掉了！褲子掉了！」，因為爸爸個袋俾佢條褲勾住左，爸爸為左離開車箱，好大力甘扯左一下，我同sister anthea聽到個男人一聲慘叫，估計條褲俾爸爸扯甩左，而爸爸個袋條拉鏈就壯烈犧牲左，爸爸成為上海地鐵色魔，令到上海人人自危。wahahahahahaha
去書城買左幾本書，一本係世界自然和文化遺產，另一本係整形日本，將我兩年學過既japan studies寫成一本書，勁，真心覺得好睇。買完書搭地鐵安全地回hostel準備第二日去杭州。