北京學攝影

昨天學會了用pro機，很巨很重，學景深學微距學光圈，周老師好正，佢個msn名仲正。
其實款款機都一樣樣，不過見識過大機好開心。

晚上又食上海野，之後買左羽毛球拍，同faye michael yvonne打波，喪hyper。yvonne想打波但又唔想跑，好無奈，打左好耐，好開心。以後要日日打羽毛球。
尋晚洗衫洗左好耐，唯有打牌，yvonne喪hyper，所以搞到依家都未返工，懶精加賭鬼，其實佢返工都係訓。

下星期佢地去內蒙，我唯有返天津啦，掛住好多人，我想見哂所有人呀。

書展好人有限，請支持。

北京狂錄節目

又一個weekend。
呀慧星期五過左黎訓，我地兩個訓醒都好似俾人打左一身，兇手除左菲姐，就無其他他喇，佢為左叫我起身仲打我patpat，好暴力。
星期六四條友去左頤和園，好熱，菲姐同louis各買左頂hat，勁白痴同低能。我同呀慧見到好斯情景只好閃。
行到咁上下，就返去錢櫃唱畸，要等房，唯有去雞雞食住等，雞雞勁好食，之後去到錢櫃又有得食buffet，同ceo差唔多，勁正。

昨天去了故宮，金枝慾孽之旅，開頭high爆，愈行愈支力，之後落雨，急急腳落西單行街，搵唔到呀龜講果間mall，今日再去掃貨。要買褲褲戒指同鞋鞋。

聽晚又要錄節目，成為電視台常客囉，有cctv既人應該會見到我。

久違了的

在北京的兩個星期，發生了太多事。
從北京電視台調去cctv6，由無病到有病，由單身到一對
唔知點解，我一話拍拖，位位都以為我同cyrus一齊左，救命呀，真係嚇死。

上星期去左後海，夜景好靚，同faye louis去撐船，本來打算用手撐，但一直keep住係碼頭轉圈，俾人勒令換腳踩，真係靚爆，雖然支力，但感覺好健康。之後行左去pub，叫左三杯cocktail，再叫左支啤玩十五二十，有人呃酒飲囉，玩到十二點幾，打的回家。

廿五號香港回歸十周年電影界晚會，做左成日工作人員，peter安排左個勁正既位俾我，係紅地毯出口，喪見到明星，勁近距離，hopi一定羨慕死。之後就狂做promotion喇，都還好啦，原來咁都叫做promotion囉。

廿八號terry生日，買左個生日大蛋糕，開p，把聲玩到無左，本來己經病緊無咩聲，玩完仲死囉，把聲難聽到嘔。

廿九號，自然地，一起。

七一去看了升旗，凌晨兩點醒，三點出發，四點到，五點升旗，六點行去王府井吃早餐，七點回賓館休養生息，之後出左去潘家園，好hyper，d野好得意，被人撞破拍拖，好無奈。
之後同adelaide、呀慧同佢個rmmate去食飯，好難食，食完去左華泰，雖然大，但都係覺得交通正Ｄ。