short trip。taipei 3.1

又係睇電視睇到好夜，仲索性開住電視黎訓，都係差唔多七點幾就起身去食早餐lu。

今次試左個雪魚sandwich，其實好似魚柳包咁，只不過多左菜同蛋，又飲latte，黎台灣幾日，我已經愛上左latte喇。
之後又係酒店附近閒逛，去左康是美買mask，好彩自備左環保購物袋，台灣有某d shop都係唔會俾膠袋，要既話就俾一蚊至幾蚊不等。

酒店附近既街景，其實附近都有好多野食，有良品牛肉麵，又有胡椒餅，仲有easy shop tim。

呢度就係酒店出黎個條馬路，對住台北車站架，其實真係好方便，地下街出口都係對住呢條馬路。
返去酒店擺返低d野就出發去淡水lu~
淡水係捷運最後一站，我地落到月台架車係去北投就上左車，之後係北投落車再等下一架去淡水既車，都好快到。
出左捷運就去旅客中心拎info，d人好好人，教我地點行，結果我地決定由老街出發，去紅樓、禮拜堂、小白宮同紅毛城，再坐車去漁人碼頭。

其實去到淡水都十一點幾，老街d鋪頭都仲未開哂，試左d魚酥，決定返黎再買，去左d景點先。

首先經過福佑宮，係福佑宮再行前少少有條巷仔轉入去就係淡水紅樓，要上一條樓梯，其實紅樓已經變左餐廳，所以只係影左幾張相就走喇。

再行前d就係馬偕像，佢個像係馬路中心，後面幢building好靚呀，係個幢building隔離有條路行去淡水禮拜堂同埋偕醫館。

食左串蝦捲，都唔好食既，完全唔覺有蝦！周埋食完之後好口渴。得個脆字。
行入左條巷仔之後，就見到偕醫館喇，入面有得參觀，以前係間小型醫院黎，有d病床儀器展覽，介紹下歷史，醫館隔離就係禮拜堂喇。


呢日天氣真係好好，好勁既太陽，好大既風，好熱，成件事好唔make sense。

係禮拜堂繼續行上去，就係馬偕租屋，可能近醫館啩，細細間，只可以睇個門口。之後繼續行，過條天橋再上山，就係小白宮喇，依家憑3-4月發票可以免費入場，紅毛城都係咁，不過我地手頭上只有一張，所以就要俾多NT 40喇。
可能因為免費入場，所以都好多人黎寫生，其實小白宮好細架咋，不過坐度望到海又有太陽又有風，真係好舒服，偷得浮生呀。

出左小白宮再向前行就係真理大學，selling pt係流星花園係度拍... ...

淡水周圍有好多好靚既花，春天喇，開得好靚。

short trip。taipei 2.2

由九份返到去台北車站，好彩只係等左兩三個字就有火車，上到去又係訓，其實我一去旅行一坐車就好眼訓。
返到去台北車站，就去左微風美食廣場買半熟乳酪布丁cheese cake，買完就即食，超好食，一個細細地既cheese cake NT42，唔係好重好重既芝士味，但係分量剛剛好，有d似慕思。

之後行左去光南大批發，個度d野好平，有文具有護理用品有錶有唱片雜誌，有某d野比起我見過既平一半，同埋好多台灣人學生都黎呢度買野，感覺有d似十蚊店。
本來諗住行去中正紀念堂，經過總統府個陣見到有人步操就去左湊熱鬧，呢次旅行真係有好多意外驚喜，哈哈。

出發去中正紀念堂，比想像中遠，不過都好快行到，一去到見到大劇院同音樂廳，好似北京故宮既造型，轉個彎就見到自由廣場喇，唔知係咪個廣場太空曠，又係好大風。

係中正紀念堂見到日落，好大個鹹蛋黃，襯住咁古代既建築，以為自己係北京tim。上左去影左兩張相，但冇參觀其他野就走左，個陣時都差唔多六點幾，人地都就快關門。

呢晚既晚餐就係師大夜市搞掂，由中正紀念堂搭去台電大樓，只需兩個站，出站後跟住人潮行就得，經過第一間watsons已經可以行入去轉入龍泉街，不過可以再行前d，前面都再有一間watsons，係個邊轉入去就係好多旅遊書集中介紹既小食攤位。

包括師園鹽酥雞，講真，我覺得北京好食d。
下面呢個係天津蔥抓餅，加左蛋，冇咩蔥味，主要睇中佢叫天津蔥抓餅，但其實天津冇呢樣野。


許記生煎包，NT 7一個，要拎飛等嗌，好似等臺食sushi咁，有肉汁芝麻好香，但我覺得略鹹左少少。

會上癮珍珠奶茶，已經係少冰，但飲到最後都剩返好多冰，咁大杯都係NT 25，好抵飲，佢d珍珠好好食。
食完野行完街，就去市政府站，行誠品信義，俾我見到命名日本，忍唔住拎黎打書釘，check下有冇故宮博物院既繪畫集，出去望左幾眼101就返歸喇。

short trip。taipei 2.1

第二日，七點就自然醒左，hea到七半先起身，去食早餐。
酒店本身冇餐廳，所以要拎住早餐卷去對面街既一間cafe食。

間cafe都好大，好似有三層，都好多人出出入入黎幫襯，當然有一半係遊客，附近有幾間酒店既早餐都係黎呢度食，台灣人多數都係外賣。
大概我地有8-9款早餐可以揀，都係sandwich多士之類，我地第一日叫左hotdog同照燒雞sandwich，飲latte同cappuccino，個hotdog好好食，佢焗左個麵包，好香口，照燒雞就冇咩特別喇，所以決定聽日encore hotdog，再試另一個sandwich。

食完野都係八點幾，所以諗住行下，睇下周圍有d咩先起行去九份，行下行下我地見到tvbs既攝製隊，再行前d就係特偵組! 唔知個日係咪有審訊呢?!

係特偵組對面就係台灣博物館，只係門口影左幾張相，之後就發現原來隔離就係二二八和平公園，既然咁近就行過去睇埋二二八個紀念塔啦。


本來諗住返酒店，講起總統府應該都係附近，講下講下就見到佢個頂，所以就行埋過去影下相，結果遲左成個鐘先出發去九份。

買左台鐵飛又未夠鐘就去左行台鐵本鋪，喪係度玩印仔，之後就落左去月台等車。

坐下又訓下，睇住d站名真係好鬼得意，七渚八渚暖暖，唔駛一個鐘就到左瑞芳啦，好多人落車，有d去九份，有d去坐平溪小火車，有d就去金瓜石。

出左站就去搵巴士站，見到一條人龍，好彩上到車都仲有位坐，好快就到九份，落車個陣大家都見唔到間711，都係度諗緊究竟係咪呢站落，笑死我。

一入到去基山街就聞到臭豆腐味，NT25一串，好抵食！

沿住路一路行，行到豎崎路就行上去九份國小度食芋圓。


超好食，望住山景係度食，d芋圓好彈牙!!!! 好夠味又大粒! 食完就又再閒逛，去左基山街街尾個度影相，其實再行過d影返去仲靚。


三點幾就係九份離開，返去台北lu，本來想等架車直接去忠孝復興，但去瑞芳架車黎先，咁就再搭台鐵啦。