*oscar*, the golden night

難得我們都那麼有心7點幾便起床看電視，卻要面對10點上堂的命運，悲慘得很。
只為一個oscar。

和呀慧不約而同攬住部電視唔想出門口返學，break+落堂時都勁check結果，oscar，一年中一次的毒。
will smith個仔好得意，我要睇the pursuit of happyness；今年竟然沒有ben stiller；emcee很好；女人們都絕靚下；無間道搶盡風頭，聽日頭條可能冇人記得奚仲文落選。

馬田史高西斯由1956年起走呀走呀走，終於到了2007年奪下了最佳導演，其實他上台的一剎那，我很感動。oscar一向敬老，但意想不到的時，竟送多個大大的surprise給馬田，最佳電影，我真的原以為是巴別塔和硫酸島戰書之爭。馬田史高西斯真的早該拿最佳導演，但我卻認為不應是the departed，可能先入為主吧。
可能劉華梁朝偉版太過深入民心，我總認為由港版兩個型男變成美版兩個肥仔麥是難以接受的一環，只是形象上，香港人對美版不太推祟，是因為心底裡的無間道太高不可攀了，因為它是一個傳奇。
馬田史高西斯在致辭時感謝劉偉強，他忘了麥兆輝，然後the departed producer拎最佳電影時也沒有感謝劉麥二人，其實冇呢個劇本既話，佢都未必上到台。

其實今年oscar好睇左。

但係下年可唔可以唔好迫人係45秒內講完致謝詞，好殘忍，特別成班上黎拎獎d人，嗌左一個字，就要走，好慘，人地可能成世得呢一次可以企係oscar既舞台上。

期待下年第80屆oscar，希望我有得dayoff留係屋企睇直播。