畢旅是美好的

一生人有幾多個畢旅？所以縱使熱到嘔熱到中暑熱到病，畢旅都是美好的。

第一站，京都
一早六點幾到機場，air india，空姐們是嬋嬋，印度嬋嬋，機師仲靚過d空姐，air india架機舊到想散，究竟點飛去英國? 致令我地覺得要好好工作搵大錢，下次坐港龍國泰全日空。
本來時間安排上好完美，但竟然坐JR由大阪去京都要成兩個鐘，唔知係架車有事定點，去到京都，巴士又坐錯方向，坐左成個鐘先去到東山ivy，真係想喊，去到間房，攰到嘔，但為左張JR pass抵d，死都出返黎夜探伏見稻賀。

其實鳥居真係幾靚，但無奈我地黑哂先去到，影鳥居又要用閃光燈先睇到，夜晚無人行真係恐怖。之後返返去京都JR食拉麵，個foodcourt係十一樓，勁高，行落黎時好驚。
第二日去清水寺，係hostel隔離行上山好方便，個天好藍，好多學生去旅行，熱到爆，所以行完清水寺同地主神社就去左食雪糕，green tea & vanilla，超好食。

之後一直行落去，二年三年坂，好驚仆街，唔想甘快死，haha。呢幾條街真係好exotic，好多手信鋪頭，可能算早，所以唔算太多人，其實都算幾舒服。

之後行到去圓山公園八坂神社，終於有張大合照，仲開始我地追蹤火野麗之旅。

行去花見小路通途中，遇見starbuck，天氣實在獨熱，加上呢日成日都係用對腳行，所以難以抗拒地衝入去。

係花見小路通偶遇唔到藝妓，條街okay靜，可能黃昏先會多人d，所以行左陣就閃走lu，開始shopping之旅!!!!!!! 行去新京極同錦市場，見到鴨川既納涼河床，入左去日本百貨，仲見到mos burger tim，但始終新京極先係天堂。

新京極錦市場，呢幾條街其實可以行一日，開始買野，係錦市場仲買埋我地既dinner tim。

返hostel途中去左叮噹個Ｄplayground玩，返到hostel，好family feel，叮返熱d野食，又平又好食，食完去浸腳，feel so good!