short trip。taipei 1.2

係至善園兜左個圈就搭返車去酒店拎房先，係地下街十號出口上左地面轉右行幾步就到，由捷運行過黎，順便行下街，我地住6樓，間房都算大，好乾淨，toilet都好大又光猛，而且房入面既野都係free，包括雪櫃入面既飲品同食物，so good!!

休息陣，就出發去士林夜市lu。


好正既豪大大雞排，塊雞排大過我塊面!!仲好多人排隊買，買埋杯愛玉粉圓黎飲，當係下火。


食飽飽就去行街街，由於天氣太凍，驚之後幾日頂唔順，所以去買左件褸，救左我一命。
見到有檔炭烤豬肉捲就買左捲食，超難食，d菜都咬唔開，單食d汁就okay既，食完呢個難食野之後，就去食雪片冰喇，諗住好耐揀左綠茶紅豆，

summer係京都金閣寺食既冰，都係好好食！
行完街食完野就搭捷運返去台北車站，又行下地下街，搵到grace哥介紹既中港日韓，其實好近我酒店個出口。
返到去超支力，要試下酒店間超強力花曬，佢有兩隻花曬，一隻係普通，另一隻就係照頭淋幾十個出水位噴水落黎，洗完白白睇電視，兩點幾先訓。

short trip。taipei 1.1

四日三夜，台北，天氣真係不似預期，一落機就15度，仲要落下雨，凍到我死，之後個兩日，天氣預報明明都係陰天，好彩有陽光，day 3仲好到變返廿幾度，尋日返黎個陣，台北又陰陰地天，我諗應該又會落雨架喇。

當日5點半係屋企出門口，落街等左陣就有機場巴士，去到機場都六點半，就去自助check in，無哂窗口位，只好坐中間啦，不過反正香港都黑天落雨，坐窗口都冇野睇啦，上左機後無啦啦落雨，遲左5分鐘度先起飛，d氣流勁到好似玩過山車咁，當時好憎港龍坐位個mon，我真係唔想知自己架機由幾多高度跌到幾多呀，好恐怖。飛出香港後就好穩定喇，食完早餐仲有陳慧琳演唱會睇，落機拎完行李，岩岩好有國光就跳左上車去台北車站lu。
行去站前地下街，搵到出口出返地面，行多幾步就到酒店，其實好近。

酒店3點先有房，放低行李就出發去故宮博物院。
搭捷運去到士林再轉公車，開始落雨，好寒，5-10分鐘度就去到故宮門口。

故宮三面環山，又落雨又有霧都好好feel。

入面展覽唔俾影相，去左睇翠玉白菜，條蟲個觸鬚真係斷左！睇埋肉石，遙不可及既宋代定窯汝窯，我最鐘意既雕橄欖核舟，快雪時晴帖個d應該無緣睇到架喇，另，cctv拍既故宮博物院特輯真係好值得睇，睇完黎到完全想像唔到當時點將呢堆文物由北京輾轉經過大半個中國再運黎台灣，黎故宮博物院如果唔夠時間行哂都一定要去睇宋汝窯，全世界得返　65件，台北故宮就有21件，北京都只係得17件。

北宋 汝窯　蓮花式溫碗和北宋 汝窯　青瓷無紋水仙盆

行完故宮，就去左至善園，憑故宮當日門票免費入場。
普通一個公園仔，仿宋明庭園而建，冇咩特別。

離開，是為了回來

終於，又一個節完了，昨晚，我工作了整整十二小時。

期待已久的relax之旅，雖然天氣不似預期，但應該都會玩得開心。

i will be back on friday!!! HK, see you later~
去偷得浮生lu~

完節後的生活

arts festival完了後，我究竟做了上什麼？
先是約人gathering，去shopping，去做一些我之前幾個月因為工作困身而沒法幹的事。
然後再工作。

先說花展，上年俾人投訴臨近完結先去，搞到ｄ花變哂殘花敗柳，好啦，今年第一日就去喇，點知同上年冇分別，鬼知係得第一日陰天又大風又想落雨咩，原來去花展都要留意天氣報告，唔係想去就去...


放了幾天假，然後繼續工作，去個exhibition做睇場，仲悶過個陣返CH，因為上唔到網，我睇完潮爆中國，又睇左dt藝術語言的奧祕。

可憐既金魚仔，估唔到最後一日佢都捱唔到，希望個artist會改良佢個作品啦。
基本上，一日得二十至三十既流量，有好多人唔識玩唔會問，係咁倒瀉水累我抺地抺臺，又或者喪搞條金魚仔，整歪條tube又倒瀉水，衰左又唔認，其實呢，雖則個展覽叫interactive media category，但唔代表係同觀眾既互動囉，條tube咁危危乎，斷估都唔係俾你郁佢啦，條金魚離開可能係因為居住環境既缺陷，但我覺得佢咁樣日日俾人嚇一嚇，都足以嚇死囉。

Love。Songs

Les Chansons d'Amour
香港會唔會有呢種電影?
好聽好看得黎又唔娘，說著愛情。

期待38

電話響起，然後很自然地說「香港藝術節」。

終於完結了，四個月，hea過忙過，看過幾場節目，喪OT過，
完節很高興，卻又很不捨。

這是我們共處了幾個月的counter，每天看著人來人往，原來沒有了它，很不習慣。
而藝術節過後，請支持ifva。

The 14th ifva (interactive media category) Finalist Works Exhibition @ Pao Galleries, HKAC
13-20/3, 12:00-8:00

現在有時聽到電話響，仍是會想拿起話筒，說聲「香港藝術節」。

潮爆亞洲

去年暑假，在上海書城買了本整形日本。

今天，下了班，去了商務，趁著大減價兼有禮卷，我買了本潮爆中國。

下次，我要買命名日本，畢業後，我的人生繼續亞洲研究。

也許，我該繼續我的亞洲研究。

二月的最後一天

二月的最後一天，還是在中環渡過，像是首尾呼應，而藝術節也只剩下一星期了。

看見蘭芳園排長龍，結果誤打誤撞去了玉葉，牛腩麵真的很好，冰涼綠豆沙只嫌太甜。

吃飽後亂行亂逛，走回中區警署石板街，再去前中央書院，沒拿到入場卷，沒法入去看藝術展。

其實中環真的很好走，只是樓梯很多，不過這樣走上走落，應該會很健康。

這次，走了去嚤囉街，照片都在olympus裡，等著沖哂。
然後走丁了西港城坐電車去灣仔，吃個下午茶，cafe zambra，很休閒地hea了很久，再閒逛灣仔。

快完節，開始迷茫，應該再怎樣走下去。

HKIFF 2009

hkiff終於出左brochure。
新鮮出爐，11時回到公司就係樓下拎左本，其實尋日係CC stock rm已經見到，但綁得好實偷唔到，唯有等今日。

係電梯已經急不及待睇，有東邪西毒終極版!!

我還見到有michelangelo antonioni，又做L'Eclisse，而我很討厭這個中文名字"情隔萬重山"，叫"蝕"多好。

向memento致敬的ghajini

想看在中國長城歌舞的chandni chowk to china

Barcelona & Manhattan

1st roll。leica z2x

第一筒leica z2x，好正！