我要買書

渣打書節，我要去買返上次書展唐文龍阻止我買的書。
下星期就算我俾on9 discusson玩死都要去買書。
呀叔下星期6返黎，10日，唔知佢得唔得閒黎睇我拎scholarship。

前幾日落銀行搞野，跟住同個銀行姐姐傾下d plan，因為諗住再賺下息，傾傾下有個女仔拍我，我仲以為係上次傾plan而識既staff，我個腦轉左兩秒先知原來係monique，真係估唔到monique去左渣打做，仲要係我屋企樓下個間，約左以後得閒一齊食飯，而我落去整野時又可以聚下舊。
sinny係匯豐做，依家monique係渣打做，唔知幾時有人會係中銀、dbs、東亞做呢。

一個星期的reading wk完結，我終於唔知黐利筋，總算係返學前好返，真係thanks god。依然未去睇龐比度珍品展，但一定會係deadine前去睇。
仲有未夠一個月，珍珠就返黎lu，時間真係過得好快。

歐洲平機票又係時候一大批一大批湧出黎喇，幾時先到我去買呢。
3000幾蚊飛歐洲，真係抵到爛，淡季，呢兩年都唔會係淡季買到平飛去旅行架喇．．．

學不會釋放

自己一個在家，是胡思亂想的好時候。

原來有陣時厭世只是瞬間發生的事。
家裡沒人氣，只得我，看著他的照片，頓覺活得好累，縱然仍舊生活仍舊說笑仍舊像往常一樣，這一年多，很累，在地球上整整19年也沒嘗過的累。
一切都改變了。
當失去一個人時，腦中浮現的不是回憶，而是假如當時我多做那麼一點，情形將會全面扭轉。我欠他的也許比他欠我多。
放不低，盡管全面自嘲。
我終於明白為何呀芝在那一剎吃下藥喝下酒，因為有時，自己也控制不了自己。

那一刻，我看著手腕，很脆弱，一條又一條的血管，我緊握著感受流動。
選擇離開是件自私的事，然而我想問「沒有信仰的我，會到哪裡」
消不消失，在一剎那間做了決定，他，應該在看著我。
看著我的他，會很痛心嗎?
有否怪責過自己的選擇?
又也許他認為我是個堅強樂天小寶寶，才會選擇離開不作掙扎。
卻也沒想過，會把我傷害得如此深．．．
對於他，應該也是一瞬間的決定吧

「你　還抱著記憶　就像塊石頭很重」
除了記憶，我什麼都沒有，只能抱著僅餘的它活著。

對不起

又畢業lu

兩年內兩次畢業，兩次都沒去畢業禮，這就是我。

10點才慢慢從床爬下來，11點45出門口滾落地鐵站，12點10碌到尖咀文化中心，剛好畢業禮完，一入門口俾人捉住影相，然後打電話找carey，她正在我上面，和scullyfaye等影相，更慫恿carey和scully攝issac位影相，issac很無奈。到樓下找twingy，再找愛人，愛人的公仔好可愛，好想要!!! 兩年後畢業我要公仔。轉移到鐘樓附近影相，像結婚相一樣，很無奈，影完相，和careyscully返學校食野交功課，之後上堂睇人鬼情，好悶的一套戲，我完全感受唔到同gender有咩關係，放學後和sandy去中央，搵到反美學本書好開心。

法國電影節開始售票，開幕電影好吸引好想睇，但冇人陪我睇，Paris, I Love You，"In Paris, love is everywhere"，其實同love actually的"Love is all around"冇咩分別，但好想睇好想睇好想睇。重點推介的戀愛夢遊中也好想睇，The Science of Sleep，無痛失戀的導演，故事好吸引，法國電影節，搵人陪我睇吧。

沒有愛情的生活

從愛人的勝家看到了這一段，說道是呀芝在數年前寫下的文章，沒有愛情的生活。
然後覺得很對，
再想說其實本來我們的生活就沒有愛情。

沒有愛情的生活,銀行的存款突然變多了,
沒有愛情的生活,電話費從3000元變成300元,
沒有愛情的生活,讀的書變多了,也多出時間來畫畫了,
沒有愛情的生活,就不用背負所謂重色輕友的罪名,
沒有愛情的生活,自由自在到哪裡去都不用報備,
沒有愛情的生活,想要幾點睡就幾點睡,半夜不會有人要我陪她聊天.
沒有愛情的生活,可以多花點時間陪伴家人,
沒有愛情的生活,可以自在的跟其他女生聊天而不用擔心被誤會.
沒有愛情的生活,可以任性的把手機關機也不會有人罵我,
沒有愛情的生活,不用費心的去準備情人節與聖誕節,
沒有愛情的生活,可以安靜地在誠品窩一個下午,不會有人吵我,
沒有愛情的生活,不用再去研究星座與算命,可以看我愛看的Discovery,
沒有愛情的生活,可以花多一點時間去發現生活中令人感動的小事,
沒有愛情的生活,也不用在乎自己的外在,不刮鬍子也不會被念,
沒有愛情的生活,再也不用為了決定吃什麼而傷腦筋.
沒有愛情的生活,照鏡子覺得有那麼一點點面目可憎......
沒有愛情的生活,好像生活少了那麼一點點的動力......
沒有愛情的生活,一個人逛街有那麼一點點的孤獨......
沒有愛情的生活,滿肚子委屈也只能跟床上的枕頭訴說.
沒有愛情的生活,手機也漸漸失去存在的價值.
沒有愛情的生活,相機照的大多數都是花草樹木,
沒有愛情的生活,看到Discovery的動物交配,會有奇怪的遐想.
沒有愛情的生活,看到情侶在摟抱,會有想踹人的衝動,
沒有愛情的生活,培養了跟貓講話的技能,
沒有愛情的生活,開始研究家裡螞蟻的行徑路線,
沒有愛情的生活,看報紙只看國家大事與社會新聞,
沒有愛情的生活,對自己還是一樣不誠實,
沒有愛情的生活,生了病不能再裝可憐,
沒有愛情的生活,幹了蠢事也沒人會吐槽我.
沒有愛情的生活,逞英雄也不會有人拍手.
沒有愛情的生活,咖啡涼了也覺得好喝,
沒有愛情的生活,冬天覺得特別冷........
沒有愛情的生活,地球繼續轉動.........

唔......地球繼續轉動.......

沒有愛情的生活，我們仍舊生存，仍在呼吸。

成班去飲茶呀

今天很乖很早就起了床，為的是去飲茶。

本約了十一時，sandy和呀魚準時得很，我還是炮台山浮遊著，十一點四才爬到學校。上到地面看見scully，和一大班同學仔，和scully悄悄地走了，一出電梯撞見paul，我地深信留左個好印象俾佢，去到見到得gary和一班yr3人，嚇死左，幸好呀魚佢地隨後就到，霸了一張臺。paul好快又返返黎，因為見我地張臺得我地，就走過黎坐，我相信佢係出於好心，但點解要坐我隔離，好尷尬．．．之後carey、stephanie、athena、jacqueline黎到，勁叫野食，真係唔明呀paul明明識講廣東話又要同我地講英文，不過佢勁有錢，又話要搬屋，又要開studio，原來個個大學教授都勁有錢。席中carey還獲paul親自夾奶黃包，carey開心到大讚sweet。之後gary坐過黎，原來佢已經學左普通話十七八年，怪不得深受中國文化感染，style愈來愈chinese呀。
最後賣單，500幾蚊，原來係四圍中最平，但又食到幾飽喎，我地真係好節儉喎。其他臺食左成700、800幾囉，paul本來話想夾返錢，幾十蚊，我地豪俾佢。

盤算著，下學期reading wk去perth，paul話上年有人去，3000幾蚊，好抵呀，我呀媽去韓國5日都唔至3000幾啦，已經開始期待。

可能由於飲茶時過份hyper，上lecture已經好眼訓，仲要做assignment，想喊。
我個locker終於開封啦。

想睇豔屍案中案tim，scully簡稱豔案。

今天比黑色星期五更恐怖

凌晨至今發生很多事，很多很多。

中午和同學仔們lunch時，聊到芝see菇bi自殺，我以為是個玩笑，但竟然是真的，明明呀芝在幾個月前的給我電話那麼理性，誰料到她會如此地了結生命，幸而獲救。
由lunch time，再經過sms，此話題纏繞一下午，原來是真的，就算幾堅強幾叻的人，困在一個局裡，只有靠自己了。幫得人多，卻幫不了自己，希望呀芝能想開點。
寧願崩潰然後慢慢復原，還是很堅強地過卻痛到最後，給我多一次機會，我會選擇前者，但現實卻是後者。崩潰了就可以什麼都不顧地重新再來一遍，但很堅強地過後，卻沒有任何藉口再去懦弱，一直這樣下去，隱隱作痛。

北角聾啞漢弒母被捕，很接近我家，很恐怖，早就說了北角平常不出什麼新聞，一出便是大新聞，幸好十點幾我已在學校。
董建華獲頒科大博士學位，hopi乘機可以睇下同唔同到董伯伯影相喎。

今天主動做了victim，下星期present ，因為我們是本著早死早著的宗旨，下星期還有sandy和jack。
明天和gary同成班同學仔們飲茶，好型，去名都，其實會遲到喎。

tuto完時，見到gary全look，同cyrus講左句「佢成個look都好大陸呀(gary係教中國social issue仲識講普通話tim)」，cyrus笑著回答我說「globalization呀嘛」，笑死左。Gary真係被中國同化了。

忘記是人生天賜最大方法活到更好
哪個做到
無喜惡恨愛便能得道
受過苦，口裡只會講
卻怎麼做到
人哪裡會看破劫數

到底什麼放低
什麼不放低

是扮忙定真係忙呢

原來久未update，我也不知道這陣子亂忙些什麼。

完成了第一wk的on9 discussion，交了第一份assignment，看不完的reading，聽唔完的ilecture，人生就只有這些。好可憐，下星期連看兩場show，維也納兒童合唱團和仲夏夜之夢，現在極為期待。剛完的世界遺產圖片展，好漂亮，自己就算去都未必影到咁靚既相，我個麗江呀呀呀。
李媽媽11月頭到韓國旅行睇紅葉，多麼有詩意，只剩下我在家，又加上reading wk，我是個可憐的小孩，嗚嗚嗚。
有很多野要買，但冇時間又冇錢買，我人生很灰。

繼續第2wk的on9 discussion，為op-ed essay準備題目，雖然一心想講農村自殺率．．．考慮緊做唔做死士present media report，明顯地想早死早著，又想買野買野買野，但都要搵到時間先．．．原來我真係幾慘。

近來愛上聽張敬軒的廣東歌，我覺得佢首張廣東大碟買得過喎。
老了大歲未聽厭就轉plug笑忘書，咩事。

巴不得一飲即醉
至少不必恐怕進睡
為一個你難承受痛苦
是我的不對
消失的擺於心?
然後花光我的眼疵K會累到無知睡去

其實成首歌最鐘意「能心開一敲即碎 女人開始使我恐懼」呢兩句，哈哈哈哈。

畫意詩情

這兩天在想著何時去看巴黎龐比度珍品展，然後聽到王苑之的畫意，然後很想明天走哂所有堂，困自己在藝術館，仔細看完所有展覽，再回家聽著畫意。

被人嫌怪，被人辭退，被情人騙去
絕望迫感情傻到留下耳朵，給情人做裝飾的怪客
誰受過怕感動，還是覺得驚嚇
苦戀之痛全被抹殺
百病貧困仍然無悔，未曾賣過，仍舊畫畫
只是為了呈現世間光明，來叫開心可散發
無視血色蒼白，忘掉過得肅殺
色彩鮮暖全是自發
你聽過梵高吧
值幾多百?
他那人格難剖白
求存人人明白
看，他有權亂去畫
也許口袋也不至一片空白
畫完無數麥田和向日葵，嬴到了後代的收藏研究
無奈有生之年才售得出一個客
無奈那種勾勒，無奈那種筆法
一幅心血才值二百
萬人聚賞，萬年難買，藝術傑作
從未獲得當時留意，難道人死商業才計得到它價格
難道妥協一畫，難道放棄風格
跟風一下然後暴發。
賣完又買賣完又買，憑誰定價，憑賣藝偷生
共誰會淪落似這精神病院關起的過客
能活到了不惑，留下了他風格
很想清醒無奈病發
看，一個人的命，或者悲慘他到臨終仍肯畫　
仍然貢獻世間
看，他看長夜星空，哪種燦爛，顯得世間太蒼白。

聽完這首歌，感到心很空，想著梵高，然後想起Vincent。

來讀尿片的歷史吧

假期後第一天上學，明明已經返兩點，都係極度眼訓，假期，是又愛又恨的一樣東西。
每天只上兩小時，感到時光飛逝，保羅總放映些好舊但又好好笑的video給我們看，虛耗數十分鐘。明更的堂似　是一個漫長的馬拉松，每個星期三總是讓人難過卻又被迫心甘命抵地十點回去看電影至五點tuto完爬回家。
同學們紛紛建議我早做media report，好早死早著，然後我咀嚼這些建議，決定今個星期仲未點到我的話，下星期我自己做volunteer。

晚上很乖地看reading，為什麼我明明學new media但要讀尿片的歷史，讀完後覺得自己好學識淵博呀。

射手座
活潑好動的射手座，喜歡直率的人，你最好擁有廣博的學識，偉大的胸襟與優良的運動神經，如果你喜歡上射手座的人，請你把多餘的偽裝卸除，他們要的是你真實的一面，另外，對於陽光型的人，他們有一份難以抗拒的執著，所以多微笑會更容易讓他們注意你的存在。
討厭的類型
像蒼蠅般黏人的人：愛好自由的射手座，對自己與對別人都要求同樣的自由，給他一點空間吧！他們的愛情是很有包容力的，所以你千萬別以為愛他就要無時無刻黏著他，要訓練獨立能力，別給他太多的壓力。
戀愛方式
小別勝於新婚：非常怕麻煩、討厭負擔的射手座，在愛情上也是如此，多帶他們去旅行，多給他們自由的空間，讓你們的感情維繫得像朋友一般，才能長長久久，小別勝新婚、欲擒故縱，才是最高級的手段。

準到嘔，我是一個很典型的射手座女生，典型得有時候也不禁叫自己不要那麼無止境的追求自由，對自由的渴求也許是射手的人生目標吧。難以抗拒的執著，陽光型附有學識和運動神經，所以當時那幾個星期，我是如此的執著，啦啦啦。但都過左去lu，仍是有人會問，其實個陣我只係悶先搵野黎玩。

尿片的歷史還有十幾頁，為何尿片的歷史可以這麼長，想喊。
其實我已經負責約左人，可唔可以有人另外負責約時間約地點，無論做咩搞手都好，我都好憎約時間。可能中秋最後變左我約哂所有人自己最後卻唔到。

currently listening：Honey Honey(孫燕姿)

各位9月生日的朋友仔生日快樂

連環經過幾個朋友的生日，9月總是帶點恐怖，像是每一天都有朋友生日，好像人人都踏二十，而我還在十九徘徊，找尋著一些未被發掘的美好。由於還有不到60天便邁進二字頭，我決意要在20前到畸房大唱19，好證明自己19不枉過，那是僅有的十九。

athena隻身遠赴台灣自由行五天，還說聖誕要帶我一齊去浸溫泉，在上星期五放學後陪她到樓下康泰買保險，只因佢自己訓唔著無啦啦check到華航的歷史，天被我講下講下嚇親，驚覺原來買保險是一件必要的事。現在我在等她帶來的手信。

昨天和hopi結伴到大球場看甲組賀國慶，第一次入場支持香港足球業，第一次坐係大球場近距離見到球員踫撞打架，第一次聽到後排一大堆呀伯吐出髒話，看見低B fans們狂隊粗口手勢(極度無品的低B fans們)，第一次付出的廿蚊睇場波好抵，打架受傷入波黃牌紅牌擔架罷賽，乜都齊呀。

要清reading，做assignment，中秋要出去玩，等athena歸來，想試整apple pie，這是今個星期要做的事。

currently listening: 詩情(王苑之)、餘震、老了十歲、Hurt So Bad(張敬軒)

一點一點地

近排頓覺自己的身體開始差，未到廿歲的我卻覺得自己一點一點地死去。
每天都死去一點。

假如好命一點，在七十歲死去，現在的我的身體卻為著五十年零兩個月後的離去而準備著，一點又一點的死去，好讓我耗盡每一分的生命，迎接死亡。
從來也不喜歡看醫生，可能是因為小時候看得太多，醫生的咀臉都是一樣，咀嚼一樣的話，聽著他們說準時食藥休息多點的說話總覺得極度突兀，把一粒又一粒的藥丸吞下，把一毫升兩毫升的扮有提子味的藥水喝下，總有一種感覺「我被搵笨」，付了幾百蚊，最後靠的還是努力睡覺努力出汗而治癒，所以還是自然地病自然的痊癒自然地死去。

今天為明天多死去一點。

開學一星期

8月尾in的scholarship，竟然俾我拎到，我睇信時係呆左，再睇11月中有ceremony，仲要need to say some words，成件事頓變得無奈。

wed11點返去睇戲，La Jetee，其實好好睇，好鐘意個voice-over、好鐘意佢用still photo、好鐘意得28分鐘，但帶到個主旨出黎。Verdy係一個好得意既人，因為佢會勁講野唔停唔記得放break，上兩個鐘堂，以為自己上緊fineart。Verdy係補習天王型，用mac bk，勁囉。
thur上兩堂，David最後一場lecture，明天上佢tuto玩role play喎。之後上anna既professional writing，我覺得anna都係一個得意人，上佢堂lecture玩gp玩得好開心。

最後一天三堂tuto，第一堂PW做proofreading，做完後同athena齊聲說原來自己係咁蠢，proofreading是一樣打擊人的玩意。第二堂film，verdy死都要圍個圈講無聊野，真係好無聊，之後播片，無異係好好笑，但佢再發揮鐘意講野既強項，搞到我無得去小便。第三堂是CMC，david加班主任Paul，玩狼遊戲，勁好玩，如果堂堂tuto都咁開心就好，cody竟然係狼，欺騙左我同athena既感情，好傷心，其實cyrus一早俾人殺左，佢冇點玩過個game囉，carey以為我係狼囉，我只不過係一個好想死又冇人殺既村民，結果俾人聯合謀殺，一睇就知我唔係狼啦，估我係狼只係俾一個機會我加入死屍派對。放學同athena行去灣仔，傾傾下頓覺兩年後如果一個星期見足paul 4日，佢會變成爸爸，幾恐怖下，不過狐狸都幾爸爸feel呀。
星期5tuto日好開心。

昨天去看費加羅的婚禮，在灣仔塞了好耐車，搞到miss左開頭數分鐘的序曲，很可惜。隨即投入故事，發現Figaro有點禿頭，好想大叫好想喊，The countess唱得好好，首solo Progi amor很動聽，成個劇的多重唱都好正，羅馬歌劇院的佈景很美觀，縱觀成個劇都好睇。
今天看了Zurich Opera版的act 1、2，如果兩個版本combine埋一齊真係正喇。

晚上看電視，一邊看個心一邊痛，痛到出冷汗，垂死中，希望快d唔痛，唔想訓訓下覺死左，如果不幸死左，希望葬禮上先播離歌再唱活著多好，「遊玩時開心一點，不必掛念我，來好好給我活著就像最初，仍然在呼吸都應該要慶賀，如果想哭可試試對嘉賓滿座，說個笑話紀念我」
好美滿。
其實我個心有事既機會都幾高，但，希望冇事。

三越，再見了

近期喜歡上聽信樂團，是因為喜歡他們聲嘶力歇地喊唱吧。死了都要愛，不哭到微笑不痛快，宇宙毀滅心還在。如果有一天我也在大叫死了都要愛，我想我已經癲左喇，我根本唔係d咁既人。但我真的好喜歡死了都要愛這歌，因為冇咩人會唱到。

再見三越大減價真係到左再見呢一刻，其實三越陪住我地大，雖然平時唔會點行，但都幾唔捨得喎，裝完修都唔知變成點lu，而自小在cwb大的珍珠卻無緣見到三越離別的一刻，實是可惜。
真係幾討厭星期日行cwb，星期日的cwb變成了印尼，暗呼救命，我覺得星期日的菲律賓中環比印尼cwb好很多，以後星期日唔好約我去cwb，約我去中環啦。真係零歧視，只係當你置身一個你熟悉既地方，而周遭的人們卻說著你不懂又聽起來很嘈雜的語言，你不得不炆。
想買ikea熊仔，又細又得意，雖然屋企一箱公仔，但我依然唔介意收養更多。終於買了字花第三期，過左成個幾星期先買，cwb商務永遠有貨。

明天終於開學，3個幾月悠長假期終於完結，其實成個假期都唔係話heir過，我認為這是我人生中最後一個長假，所以選擇不工作來過，有世界盃陪伴一個月、研究歐洲之旅、煲碟、看書、整蛋糕，這種生活以後該很少機會回味了。希望明天開學順利吧，我要努力讀書。

星期6睇opera，有點緊張，外加興奮。

currently listening: 死了都要愛、離歌、One Night in 北京、假如(信樂團)

唐文龍到港大視察環境，並大叫「我仆街啦我」

唐文龍繼前天早上晨早傳我sms要我詢問呀娜後，昨日竟自己彈上hku視察環境，好為日後作一部署，其實點解要視察環境呢，我高呼好恐怖好痴線好驚呀，呀娜同樣感到唐文龍已經痴左線。明明平時叫唐文龍上去lib，佢都寧死不屈，今次竟然為左咁既事而山長水遠上去視察環境，假如仲有大事回顧這玩意的話，呢件事穩入三甲。
明天大家或許能在hku一睹唐文龍的風采哦。

荷蘭真的是一個不錯的地方，突然好想去荷蘭。
毒品合法化同性戀婚姻合法化性行業蓬勃思想自由的一個國家，有性愛博物館有大麻博物館，也有一大堆好正統的博物館，而藏品勁正。而且荷蘭足球隊的球衣是橙色，好醒神，橙得好靚呀，雖然我不曾喜歡過雲佬洛賓柏金等人。
我認為阿姆斯特丹比馬德里好。雖然我幾撐皇家馬德里。

英超大戰 -- 曼聯vs阿仙奴，曼聯加油呀，我信你地一定嬴到架。
台灣近期又有倒扁又有挺扁，最後有衝突，但我唔明挺扁個堆搞人地傳媒做咩，人地唔拍你地，其他人鬼知你地點樣挺扁咩，聰明的人應該懂得如何同傳媒互相利用。晚晚等睇新聞，主要唔係話好想知究竟發展到咩程度，而係為左等睇方東昇潘蔚林羅暉翔同吳子敏，其實原來我都幾關心無線新聞部喎，繼WTO後。

currently listening: ampm、如果沒有你、手(莫文蔚)；同類、一樣的夏天、我也很想你(孫燕姿)

香港地震呀，但我訓緊覺

今天地震了，而那時候我正在睡覺，我感受不了一次可感受到的地震，好似蝕左咁。但如果真係好勁既地震，而我又訓緊覺既話，我應該一早死左，唔駛捱到十幾日之後又飲自己尿黎吊命等人救成為傳奇人物。

和呀娜說地震時中，傳了個電郵給遠在北京的珍珠，然後不知為何我們想起了假如今年中秋又一齊過，該是第4年了，由於珍珠在北京，那便斷了纜，又加上今年中秋在國慶黃金周內，故此我們決定了要慫恿威迫珍珠在黃金周飛返落黎陪我地過中秋，yeah，我們很天真地想著。
珍珠先走左半個月咋嘛，但又真係幾掛住珍珠喎。自從上次珍珠曇花一現on一on9後，已經音訊全無喇，究竟依家珍珠係咪識左個北京仔呢，又或者依家有個北京仔係珍珠宿舍樓下捧住結他大唱「你知道我在等你嗎　你如果真的在乎我」。

昨晚HT仔4人聚會，小天使erica墮落又折翼了，明明自己話得閒，但無啦啦又帶同企鵝女話唔得閒喎，我再次聲明企鵝係南極唔係北極架；大佬又無啦啦甩我底喎，係咪走左去談戀愛先？
hopi再一次遲到，佢又再一次自己上黎，而我地又再一次係佢黎之前玩層層疊，hopi黎到後終於叫得野食，hopi同2佬好保險地飲black rain，其實pink lady都唔錯。等野食時閒聊，說起了畢業旅行，2年後degree畢業我要去麗江，淒美的地方，而4年後2佬畢業就衝去歐洲自由行，捷克奧地利+德國/瑞士/波蘭，突然好期待，所以我畢業後要努力賺錢，等我去完奧捷先再讀master，定讀完degree即讀master好呢？
食完野玩大富翁，本來我個勢好好，連買灣仔愉景灣淺水灣magazine rd山村道藍塘道，但因為俾hopi成日話我賺得錢多而開始沒落，而jessica又因為一直收婆仔數而起家有成疊5000蚊，最終嬴出。
走個陣落大雨，marvelous好好人借袋俾我裝pizza盒，所以能夠平安回家。

curretnly listening: Funny Jealousy by Jill、浮誇+How do I live+巴不得+這分鐘很愛你 by 泳兒

hku半日遊

今天奔上了hku，聽一個無聊的talk，然後閃走了更加無聊的lib tour，相約呀娜和王韻婷，可惜vivianpun一早回了家。秋風起，是我身體弱吧，今早起來很凍，凍得要抓住冷氣被在沒開冷氣的情況下把自己包緊，然後起床時趕緊拿起風褸再包實自己，其實才25度，我歸咎於自己穿著小背心來睡的關係。乘半小時上hku，像乘了一個鐘，由巴士站落車再徒步走上研究生堂，竟然腳軟和出冷汗，始覺原來真係病左，幸好個幾鐘無聊的talk讓我恢復精神，識左兩個人，但同我都係讀唔同科，想點。逃出無聊的lib tour後，打電話搵呀娜，再打電話俾王韻婷，之後陪呀娜交form時，撞到趙翼兒，竟然如此的偶遇，呀娜尖叫一聲，成個電梯被嚇親，兩人竟幹起不法的勾當，決意買賣書本，其實搵我做中介啦，我要賺佣，因為唐文龍一直壓我兩本奪A奪B書的價。

等王韻婷搞credit card，終於有得飲野，多謝你杯朱古力呀，其實專登搵個位像自閉一樣，只是為了兩條友發起癲來不太起眼受注目。中途遇見前太空人汗．愛立信，其實是個外國名。浮游在hku的感覺原來很好，行了半個hku，成世都唔會踏足的物理化學樓，在生前行了入門口再行返出黎，連百佳也去了，就算未有facilities card，還是偷入了lib，我要等我個Godfather collection呀。

全世界sign in不了msn，所以icq上突然多左在msn普及後已經消失的人，用meebo sign in了msn，msn list上的人驚奇地少，icq會否趁這次再度普及呢呢呢。

currently listening: 秋意濃(張學友)

唐文龍時間表真係正呀

今日落大雨，其實我好應該出去蒲，但日日蒲都支力，而且朝早肚痛痛醒左，小型肚瀉，痛左成朝，同時令到我未夠十點便起左身，究竟是福或是禍。

由於唔出街，悶悶地便煲劇，其實套野幾好睇，上線後好奇心起睇唐文龍個timetable，嘩，真係正到痴線，唐文龍讀五科返足五日學其中四日返八半，而星期一二只係為左返一堂八半而搭車去灣仔，唐文龍呢個sem真係日日起身做晨運都仲得呀，奇怪在為何中國文學不收唐文龍呢。

笑完timetable便去玩測命格，它說我是蘭花命，生長在溫室，喜歡安定，希望被關懷，不希望被冷落，感覺敏銳，有點完美主義，樂於享受人生，還分析了健康愛情財運，又說我肝火旺盛呼吸系統差，兼屬於柏拉圖式的精神愛情，不過我想講，真係幾準喎，原來我個層次已經高到可以玩神交。

江美琪新碟好聽，不是說很搶耳那種，卻很耐聽，而周杰倫的，我很喜歡夜的第七章和迷迭香，好喜歡那種曲式，另我想講，費玉清把聲好好聽。

currently listening: 我的他、難相處、路人、愛哭鬼(江美琪)

我撐你，愛人

在張紀中版神雕俠侶做郭精的叫王洛勇，王洛勇，看起來聽起來是個不起眼的名字，就算在劇中你也未必留意他的真名，但，在戲外，他卻在美國百老匯大放異彩，第一個踏足百老匯舞台的中國人。那麼的努力，那麼的堅持，那麼勇敢的爭取，盡管由演國王與我時，硬生生地背下所有台詞，零認識故事內容，但他仍是一步一步地往上爬，看完西貢小姐大膽地跟導演說自己想演這角色，努力的學英文努力地學跳舞努力地學唱歌，終於得到了三個星期的試用，憑著實力憑著那種真誠堅持，拿到了百老匯紅色的合同，附加很多個零，在美國生活八年後，踏足百老匯的舞台，努力地唱著歌跳著舞演好角色，這個角色演了六年，二千七百多場，單看神雕，也沒想過他是一個吃過很多苦仍緊握自己夢想的一個人吧。蝴蝶君，一套舞台劇，宋麗靈，一個傳奇的人物，王洛勇，把宋麗靈演活的一個演員，我著實很佩服他，天知道在舞台上全裸凝聚感情轉向觀眾的那一刻需要多少勇氣，內斂爆發，這個舞台是他的。

我總認為能夠抓緊自己夢想的人是幸福的。

愛人今天去見工，說道夢想和事業是兩回事，所以先找一份工作比較重要，對我而言，愛人比我叻很多，很會規劃未來，每一步要怎樣做都想得很清楚，雖然愛人現在把夢想放下，但我知道灰不久將來，愛人必定會緊握自己的夢，去做喜歡的事，所以我好撐你呀，愛人。

王韻婷的生日派對和顏珍珠的歡送派對

今天充滿歡愉，每一刻都足以笑到肚痛，也充斥著離奇的氣氛。

到現在，我作想問為何要約10點45呢，害我早早9點起身準備將條屍塞入行李箱，好帶去鬧市給珍珠帶去北京。
今天的主題該是歡送珍珠吧，雖然係珍珠自己約人，異常巧合地去返上次補祝珍珠生日的房間，當天珍貴的相卻全數失蹤，為此，我們決定買個蛋糕補影相。所以，還有不夠一個月生日的王韻婷便自己買了個蛋糕來預祝自己快要踏進二字頭，其實如果唔係vivianpun返左大陸出席唔到，就不會發生如此爆笑的事。我認為這是王韻婷廿年人生當中最難忘的生日慶祝。 而由於peggy冇生日相、樣衰生日因高考關係冇慶祝、呀娜生日冇人帶相機影相、珍珠生日相失蹤哂、我個生日蛋糕俾人扔爛左，今天每人都有輯生日相，yeah。
其實今天生日加歡送派對好成功，皆因全部都係自助式(自己約人同自己買蛋糕迫人歡送自己同慶祝生日，哈哈哈哈)。

但派對充斥著離奇的事，先是珍珠這個主辦人加主角無啦啦放低40蚊話自己要行開一陣，之後會再返黎，後有呀娜又放低錢返左hku，再有peggy無啦啦走左而王韻婷被歎在鼓裡，做咩一個二個走哂去叉電。
唱完畸就陪珍珠買去北京野，times異常地少人，很明顯一大班小學中學生在家趕做暑期作業唔得閒蒲，在cwb四條友四處搗亂，我覺得周圍d人應該好憎我地，之後落大家樂食tea，樣衰又走去叉電，傾傾傾，傾左好耐先死去muji，樣衰阻止我買野，繼唐文龍在書展阻止我買書，我又再一次俾人阻止我買野，點解!!!珍珠算係muji買左有用野，希望佢去到北京唔會腳臭，california沒有成龍的廣告，害我們好失望，係SASA阻止王韻婷買野，最後佢買左三條棉條，３共實要用幾耐先用得哂，再死去ikea，發現吸水珠珠呢個名，再發現點解ikea員工條褲都要著到咁低，低到我好想拉落黎，ikea熊仔廿蚊好抵好想要，冇哂珍珠鐘意既龍仔，遊完ikea後，便終結今天的旅程。

由於當我生日時，珍珠未能趕及回港，所以我極度希望收到一箱手信做生日禮物，yeah，但我唔要北京填鴨。
希望珍珠識多d北京仔，但唔好識個d將汗毛當鬚既北京仔，亦預祝晚晚都有北京仔係珍珠樓下大唱「你知道我在等你嗎　你如果真的在乎我」，仲要娘娘地捧結他自彈自唱，仲要砌心型candles。
珍珠，祝你一路順風呀呀呀呀。

高呼「我要快樂，我要能睡得安穩」吧

原來，人愈大，快樂愈少，責任愈多，負擔愈重，
自由這東西嘛．．．只是傳說一種。周國賢blog

其實很多東西都只是一種傳說，一種讓人會一直相信的傳說。
忘記從來不是一件易事，誰說要決心忘記便可做到，騙人的東西在這世上太多，而我甘心受騙又算得上什麼。假如有一天，訓醒無事做勇敢大嗌「我唔會再俾呢個世界呃」，那會變成怎樣呢，會否有人向我丟蕉皮說「口靚妹，收皮啦」。其實一直俾世界呃，一直都係咁樣生活落去。又其實，永遠嗌唔出「我唔會再俾呢個世界呃」這句說話，因為這個世界會一直無止境欺騙人，直到老去死去。

或者，幸福這回事也是一種騙人的玩意吧。

原以為生活很易過，但要過得快樂卻不是易事，「人愈大，愈要懂得讓自己開心」，又或者，原來過得很快樂，只我一人未發覺。我以為自己很懂得讓自己開心並且hyper，事實上又很容易令到自己自閉再跌進黑洞，找不到出口，做死一隻cave animal。終於開始明白為什麼常有人說希望永遠長不大，長不大就不用費神想那麼多，長不大就會一直相信傳說相信世界的美好，長不大要停留在那個時期？認真去想，每件事浮現眼前，我想回到我還很堅強的時候，然後把一切扭轉，其實我需要被保護，終究，我只是一個需要被人哄被人鍚被人保護的人，絕不想再變成現在這樣，我想逆轉一切，可以嗎。就當哄騙我說可以吧，那麼，我會很高興地睡上一覺，期待明天一切將會歸回原點，什麼也沒變過。

其實，我一到夜晚就突然自閉心情低落變得頹廢兼憤世疾俗，為何呢，我想，只因在晚上當全屋的燈都關掉，望出街，對面大廈黑過墨斗(其實我唔明點解世盃時都係咁，難道對面大廈冇人鐘意睇波？)，聽見樓下垃圾車倒緊垃圾(其實我住廿一樓都聽到垃圾車聲，可見條街有幾靜)，只有我一人在電腦面前勤力地打著什麼吧。

後天interview scholarship，其實我覺得scholarship只是個bouns，祝福我吧。

「你呢？你知自己想點未？」

今日場泰國vs亞塞拜彊好好睇，泰國打得好好，真係估唔到，之後中國vs俄羅斯，都估唔到中國嬴得咁漂亮。

奧地利真係好靚，靚到想喊，我一定要去多次，Hallstatt，我明明記得上次去過，點解唔見哂d相？繼續搜尋中 --> 冬天的Hallstatt更靚，落住雪，望住個湖，真係想係個度住一世。

我承認，當一個男人好深情彈緊琴時係好吸引，係會係個一刻突然覺得佢好靚仔好型，只限個一刻。我發現佢係原島大地x羅嘉良x鈴木仁樣，mix出黎好怪。我真係唔想用到cutie呢個字黎形容。
見到佢隻手指流血都仲要彈琴，唔知點解我有種心痛既感覺，其實真係會好痛，個陣考試彈phantom，整損手指，彈彈下膠布仲飛甩出黎，係彈奏中無論發生咩事都會死撐落去，不過個下流血我真係覺得幾不寒而慄。好恐怖。

21-8
看見愛人寫著「你呢？你知自己想點未？」，想了一會兒，其實我真係唔知自己想點，由上年開始，我已經對自己好迷茫，完全唔知自己想點，完全唔知自己變左幾多，完全唔知自己做緊咩，究竟係因為自己變左而唔知想點，定係因為唔知想點而去改變尋找一些新意，唉，我真係唔知自己想點，定係我太childish，愛人真係好清楚自己想點，做野定讀書，佢好堅持，未來條路點行，佢好清楚，但我究竟以後會點，我真係唔知，當所有人以為我好獨立好有條理規劃自己未來既時候，有冇諗過其實我唔知自己想點，只係照直行，身邊所有分岔路都冇睇過，只係向前行。又或者，太知道自己想點會唔會好辛苦，有時候，我真係好想知道自己想點。

李艾玲，你究竟想點呀？我真係唔想自己迷茫之餘，仲要俾迷茫人。

後世盃時代

好可愛，Ronney在世盃8強前對葡萄牙在隧道內和C朗聊的話題竟是「究竟科東尼轉左去邊間球會呢?」，兩個人都好可愛。KAKA和細哨重返國家隊，再加埋可愛的羅賓奴仔，Dunga，請把巴西隊重組好。Beckham入選不了英格蘭國家隊，究竟對於英格蘭是否一件好事，我始終覺得林伯特在國家隊的表現遠不及在車路士，起碼在世盃曾略睹一二，說回beckham，英格蘭不徵召他的第1損失應是入座率大跌。

英超在星期六開鑼，曼聯加油，只因我太討厭車路士阿仙奴，雖然最聯淨睇個牌面都唔夠車路士黎，但我依然希望最聯今季有好表現。其實我冇睇英超好幾年架喇，自曼聯滑落後開始轉睇西甲。大哨不離開皇馬，應該是說不會被賣走，但大哨會否甘願做後備，皇馬真係幾人才鼎盛下，我依然好想好得意既羅賓奴仔可以上位，期待睇簡拿華路披上皇馬球衣。說回意甲意乙，保方真係好有義氣，誓死留在祖雲達，其實除左佢好冠冕堂皇咁講未拎過意乙冠軍想拎下之外，仲有咩原因佢要趁自己係世盃發熱發亮後放棄加盟其它大球會而留係會降班既祖雲達度?我好好奇。

還是留戀世盃時期晚晚日以繼夜日夜顛倒排住睇波既生活。
世盃時期，我感謝CCTV1的出現。

珍珠樣衰hyper之謎

本來打算行陣街睇下野才奔去會合地點，結果因為樣衰難得的準時，令到我提早會合樣衰等珍珠等peggy等娜姐等vivianpun。
早段hyper過，結果唔知點解珍珠樣衰hyper到尾，明明上次珍珠仲歧視我同peggy跳舞，痴哂線。其實到尾段已經好支力好眼訓，但珍珠樣衰真係喪hyper，好恐怖。Peggy被男waiter揭發hyper樣；而樣衰的暗瘡經歷一天的玩樂後熟左。

LU致電來說給我offer，我很有型地說我不要，很型地。告訴了愛人，我知道愛人很想打死我，但我亦很高興愛人在了解後對我的支持，如果可以的話，我真的好想把這個offer給了愛人，但我希望愛人明天interview成功，好入了tvb做便帶我參觀電視城。

明天要在家休養生息煲碟去，在外蒲了3日，就快半身不遂。

電視節目編排可唔可以好D

晨早起身睇叮噹，然後轉台又見到鹿鼎記，張衛健版，真係想喊，回想起一至五下午都有權相佑扮深情，昨深夜見到權相佑扮反叛，好想喊，電視節目編排得讓我好想喊。

下午和珍珠去幫娜姐試玩遊戲，其實段片冇留心睇過，不過根據無線偵察劇集既iconography，一係就合謀互相幫大家製造不在場證明，一係就係自己製造不在場證明，例如錄左電視專登俾人知個段時間佢係度而唔係出左去。不過如果做到好似東方快車殺人事件就正喇，因為真係好好睇。
明天出街，然後後天唱畸食蛋糕去，之後計劃歡送珍珠去北京3個月，等珍珠返黎再幫珍珠洗塵，啦啦啦，好開心，真係勁唔捨得珍珠去3個月，天津真係冇特別野好行，除非真係唔知去邊啦，等我諗下要珍珠買d咩返黎先，可能珍珠回來後熱愛balenobossini。

和王韻婷珍珠在canteen閒談，其實個canteen真係冇學生囉，開sem後我可能日日蒲港大搵王韻婷vivianpun食野，加埋娜姐，可以開臺打牌鋤D，yeah，熱烈回歸中學時代。

我右邊口角損左，點解，我冇同人口角喎，自己又冇可能咬到，唔通俾紙界，但我唔食紙架喎，謎。

完成任務，幫唐文龍拎到JSG飛，yeah，我個頭唔駛甩之餘又有人請食飯，但點解會係食員工飯，點解!!!!!!!

十年如一日：梁朝偉劉德華

這陣子，我的世界充斥著梁朝偉劉德華鹿鼎記。
這幾天，不斷見到梁朝偉做鹿鼎記，下午又看到回歸時裝做同居蜜友，梁朝偉完又係梁朝偉，其實佢個樣真係冇變過。
呢期好興播舊劇集喎，鹿鼎記神雕俠侶相繼走出黎，嘆句又係劉德華，做完康熙做楊過，劉德華完又梁朝偉，做咩變成咁，梁朝偉完又鹿鼎記，因為陳春版又係度熱播，其實我想喊。
原來張德蘭版情義兩心堅真係好聽好多。

明天幫呀娜去試game，做白老鼠，只要不用體力勞動，我很樂意走去試game，希望估中殺手有禮物獎品。明天晚上幫唐文龍先生搞換票事宜，希望成功，那我便有餐免費飯吃。後天去逛街好不好。大後天唱畸去，我要完整地大唱光輝歲月，wowwowwow。

盛夏很熱，個太陽到3點幾都仲好勁，勁到唔俾人出街，想點。Twins每年夏季都例必有首快歌，今年竟然係中快版既熱浪假期，但可供消暑，舒服死。
聽一聽海風
從眉心 學放鬆
發覺身體升起 這宇宙突然失重
載住記憶的玻璃樽 由潮浪去推進
緩緩蕩向 夏季的海 直到消失 笑笑目送
我想去海邊，有冇人帶我去。
但，呢一刻，我竟然想大唱熱愛島有熱愛草。

望出街，多了層白紗

雙颱風迫近，煙霞滿天，我在街上焗死了。
大家一起來環保吧，我真的不想因污染而死，好無辜。

遊遍了天下，前路的風景蓋著煙霞，
蒙閉的雙眼未明白沾上你是何代價，彼此亦另有他。
神秘的煙霞，誰認清真假，
你別要用我受不住的鼻音跟我說話，
令我的心軟化，證實我真心想有火花。
難道我別無異心，完全沒好感，
都可以跟你散心裝作假天真，
當我伴侶為我等，我便會憎，憎多心的我太懂累人。

currently listening: 煙霞(容祖兒)、有一點動心(張信哲w/容祖兒)

只是一個遊戲

然而我很自私。
因為嚐過的痛，不想再嚐到。

難道愛情需要找兩個人優點去比？
- - - - -
深夜和友人聊電話，鼓勵她出山追男仔，皆因據她描述是絕種好男人，靚仔樣高大純情man又得cutie又得ABC一個，仲要有返心跳感覺，簡直掂，作為朋友當然潑潑冷水又勁鼓勵，兩個女仔大想作戰計劃，勁hyper，我會在背後默默支持佢，但在有限時間內，唯有幫佢勁祈禱拜神希望佢再次遇上ABC，再次遇上先做到野架嘛，yeah，去吧，我撐你!!!!
- - - - -
一晚裡，兩種心情。
再怎麼真實，都只是過眼的雲煙，一絲又一縷，霎眼間，捉不著又看不見。

一個地球，兩個世界

好吧。
我承認我和他完全是兩個世界的人。
而他確實很悶，太健康。
無奈。

唔玩喇。
都唔好玩。

當有對比時，會開始知道那個他更關心你，也會開始知道那個他才是同類。
但，有時需要的可能不是同類，而是那個自己更關心的人。

有沒有別人跟我一樣很想被安慰？

it's driving me crazy

連續看了波仔3和4，單純地為了想娛樂下。
然後再看了梁祝，我依然覺得周國賢同梁祖堯好襯。

前幾日知道了某某讀太空的CCM，難道同我一樣都direct入yr2嗎，好恐怖的一件事，不過幸好下個sem唔會撞到佢，因為佢應該搬了去灣仔了，而我就轉去金鐘，yeah。真係好唔想好唔想見到呢個男人。

近來狂聽Garbage，Why do you love me?

習慣是會改變的

心血來潮，想看看他近來過得怎樣。
應該也不錯吧，我覺得。
不錯就好，
當一切完結後，原來真的連朋友也不想做，只要過得好便好，反正都過了那麼久。
祝安康，
有些話想在一年後說，沒有你，我的生活如常，習慣是會改變的。

堅強，不是你給的，以往是我太依賴你了，所以我不能再帶著你給的什麼走下去。

選擇是我的，不是你給的，幸福要自己負責。

喜歡上interview

感激2佬陪伴，帶我去了十世也不會到的tuenmun，其實十世之前是上年，但也是有人帶入去再帶出黎。
interview是好是壞，我並不關心，反正我不會讀，去interview只是想死之前去一次LU，因為正常人唔會無啦啦去，唐文龍個d一日遊除外。2對1，一男一女看我愛看memento極度欣賞，其實memento真的是一套好戲，必看。

以下送給大佬，你要努力，好讓我能在有生之前結到婚。
112樣你鍾意一個人既跡象 （FROM 《妹妹妹妹》）
1. 見到佢果陣會心跳加速
2. 口齒突然間變得好唔伶俐
3. 經常發呆
4. 人地無話打俾你，你又響度猛等人地電話
5. 當佢響你視線範圍之內，你會扮睇唔到�6. 當佢離開左你視線範圍之內，你就會勁望佢去左邊
7. 見到佢開心，你自己都會暗地裡開心
8. 出完街之後，好想佢送你返屋企
9. 一班FRIEND食飯果陣時，希望有意無意咁坐響佢隔離
10. SEND SMS俾佢果陣時，會好介意自己GRAMMAR有無錯
11. 當佢唔舒服果陣，你就會勁叫佢睇醫生（但係自己平時病果陣又唔會去睇）
12. 個個都可以睇你張身份證，除左佢之外（智能ID咭另計）
13. 好想佢送D野俾你，乜野都好
14. 成日留意佢既言行舉止，睇下佢係咪對你有野
15. 若果見到佢同異性傾計果陣，你會想知佢地會傾D乜
16. 成日發夢都夢見�17. 若果發覺大家著左D好襯既衫，你會心裡暗叫「妙﹗」
18. 不斷打聽佢既拍拖歷史
19. 會介意佢去完旅行返黎無送手信俾你
20. 趁佢背住你果陣，即時猛望佢背脊
21. 佢叫你做乜都即刻做，好聽話
22. 偷偷地幫佢執手尾
23. 響手機度禁佢個名或者佢D相出黎睇
24. 同佢既FRIEND變得好FRIEND
25. 成日去佢經常出沒既地方留連
26. SEND SMS之前之後都會不斷返睇自己SEND左乜野俾�27. 主動借D書、碟俾佢，製造再見既機會
28. 就算佢響你隔離，你都會成日掛住�29. 行街見到佢鍾意既野都會有奇妙既感覺
30. 響街度聞到佢搽果種香水（或洗頭水、番?）味，會即刻好緊張
31. 就算你有幾唔得閒都會應承佢出去
32. 用133打俾佢，佢一「喂」就即刻收線
33. 無情情想嗌佢個名
34. 唔敢走去佢附近
35. 習慣每晚都會睇佢個BLOG
36. 唔想俾佢知道你有男/女朋友
37. 成日開MSN或ICQ既HISTORY回味一下
38. 會深入研究佢所有喜歡既野（就算自己一D興趣都無）
39. 好想講自己既野俾佢聽
40. 佢講乜野你都會信
41. 見到佢父母會特別拘謹
42. 講野前會PLAN定一大輪
43. 兩個人獨處時候有DEAD AIR會感到十分尷尬
44. 會記住晒佢鍾意食咩呀、唔鍾意食咩呀，諸如此類
45. 經過佢屋企時候會望上去或者響下面停一停
46. 一起身張開眼就會即時諗起�47. 製造無理要求，睇佢有乜野反應
48. 想知佢鍾意邊一類型既女仔
49. 佢做任何衰野都會幫佢搵藉口
50. SET佢張相做電腦WALLPAPER
51. 不論內容係乜，SAVE晒佢俾你既SMS
52. 做垃圾婆，總之任何關於佢既野都要KEEP
53. 會響紙上面不停寫佢個名
54. 成日自己估人地對你有無野
55. 每次就算有正經事搵佢，都會自己緊張一番
56. 想佢欠你D野（反而佢還左俾你會唔舒服）
57. 覺得佢梳乜野髮型、著乜野衫都係OK既
58. 唔想聽到佢同佢女/男朋友傾電話
59. 佢一講野果陣就豎起耳仔，但係又扮成唔係聽佢講野
60. 好想度下佢高你幾多
61. 同FRIEND講起佢果時，會用花名或暗號
62. 唔敢送太貴重或者太大件既禮物俾�63. 因為諗起佢，行行下街都會無啦啦笑左出黎
64. 搵機會同佢合照
65. 會刻意同佢鬥嘴
66. 會留一D問題性既SMS俾佢，等佢一定要覆返你
67. 若果佢讚你靚果陣就會KEEP住呢個LOOK
68. 買D有佢個名既野
69. 同佢MSN果陣，若果佢覆得唔快，就會好失望
70. SEND俾佢既聖誕同新年SMS會同其他人唔同
71. 覺得佢好叻
72. 人地講佢壞話既時候絕對唔會加入
73. 同朋友講起佢既時候會覺得好爽
74. 搵機會度下佢隻手大過你隻手幾多
75. CHECK下自己星座同佢夾唔夾（尤其響網上成日玩配對）
76. 討厭佢所有討厭既人
77. 唔介意望到佢既腳趾
78. 佢生日既時候，唔會買一D人人都知道佢鍾意既禮物俾�79. 唔捨得熄電腦，怕佢隨時ONLINE
80. 想見佢，但係見到佢又會覺得好辛苦
81. 同佢講野時候會壓制自己既面部表情（反而搞到個樣唔知想點）
82. 許親願同玩親乜野占卜都係同佢有關既
83. 唔會介紹靚女FRIEND俾佢識
84. 借D意同佢SHARE野飲
85. 同佢搭巴士果陣扮訓著
86. 搣花瓣
87. 乜都幫佢頂
88. 唱K果陣扮晒話無男/女仔陪你唱合唱歌，逼佢同你唱
89. 送野俾佢唔留名
90. 突然間對所有異性失去興趣
91. 人人講緊一D情情塔塔既野果陣都覺得講緊自己
92. 覺得若果同到佢拍拖，一定會好幸福（就算佢同你唔熟）
93. 覺得大家都OK襯既（就算身邊人人反對）
94. 連續打兩個乞嚏就覺得「佢一定係掛住我」
95. 少少野就話自己好唔舒服，睇佢有乜反應
96. 同佢去完街返屋企會勁重溫同佢相處既片段、說話等
97. ENJOY人地誤會你地兩個有野
98. 逼佢同你有單獨相處既機會
99. 響同一場合，佢唔走，你唔走
100. 著得靚果日，好想響街上撞到�101. 見到佢ONLINE，等佢同你SAY HI先；若果佢唔應你，你會勁灰
102. 唔小心同佢有肌膚之親，都會即刻有觸電既感覺
103. 每次同佢單獨坐車既時候，感覺都好似去旅行
104. 就算唔係去果度都特登話係，等佢可以順便車埋你
105. 佢借D小野俾你，你都會KEEP起佢唔還
106. 對佢特別小氣
107. 響FRIENDSTER睇晒佢有乜FRIEND
108. 特登俾佢知道你有人追
109. 經常對自己既言行舉止好後悔
110. 希望佢同佢女/男朋友嗌交
111. 人地問你係咪鍾意佢，你會答「痴線﹗」
112. 如果你一路睇/聽呢段野一路諗起一個人既時候…啊~你鍾意左佢﹗

jupas是個很難玩的遊戲

首先恭喜李翠盈入到浸大社工，雖然到依家我都唔認為佢係有做社工既料。
恭喜王韻婷入讀港大文學院，恭喜tracy入LU social science。
恭喜樣衰入了城大建築asso，希望你在太空旅遊及酒店管理的生活如意並且開心。

2佬，身為兄弟，一定陪你係身邊，無論最後揀左咩都好，support 4ever。AZA!!!
明天interview順利呀，而我選擇了heir in。

歸隱去吧

現在，我是西澳洲大學傳播學二年級生了。
究竟是好事定壞事黎
不如去Perth隱世兩年算吧。
可能因此身體好不少，就這樣，在Perth一邊讀書一邊耕田，對影成三人，快哉。

Year 2 Sem 1
Cultures, New Media and Communications
Reading Films
Social Issues in Contemporary China
Professional Writing

The Phantom of the Opera w/ Cyrussss

The Phantom of the Opera w/ Cyrussss
總括來說，失望是有的，夾雜著一些無奈，無奈居多，但現場唱歌果然夠吸引力。


舞台有著限制，而之前電影給的空間想像很大，假如先看這musical，再去看電影，感覺會好很多。
台上放著一個個用布蒙著的拍賣品，看過電影的人大都知道開場該是怎麼樣，但我始終覺得煙花閃起，水晶吊燈緩緩升起，序曲響起，一剎那間，由荒廢了的巴黎歌劇院變回當年興盛的歌劇院，我覺得這一幕很讚。
Carlotta出場，這一幕Hannibal花多眼亂，而Carlotta的歌聲沒那麼討厭，高得來不刺耳，反而幾好聽，Carlotta版的think of me，我覺得好聽過Christine版think of me，Christine的聲音不像天使般，她真的幾適合做Carlotta的角色，據聞她以前是唱歌劇，但現在轉唱音樂劇，聲音才變得又歌劇又音樂劇feel。
Angel of music，Christine的房超細，當然是因為空間有限，幾鐘意塊鏡，但先說回首歌，Phantom聲出，感覺很好，Phantom聲超靚，很神秘詭異，其實我真的很喜歡I am your angel of music這句的melody。
坐船個幕幾靚，橋是布，真的看不出喎，蠟燭唔夠靚，可以再靚d。我愛的Music of the night，Phantom把聲真係好靚仔，純粹把聲，Night time sharpen, heightens each sensation; darknes stirs and wakes imagination.　聽到真係拍爛手掌，我真的好喜歡這首歌。Prima Donna，7個人一起唱也不覺亂，七重唱好聽，雖然聽不到每人唱些什麼，最後加上Phantom的So… It is to be war between us! If these demands are not met, a disaster beyond your imagination will occur. 好聽到想企起身鼓掌。
另一最愛All I Ask For You，rythmn是快了點嗎，是Christine抑或是Raoul的問題，或者是兩人夾唱的問題，欠了些feel。Phantom從天而降，把聲真係好好聽。
Masqierrade的樓梯樣衰了點，限制的問題，但服裝靚，合唱好聽，再加上Phantom的出現，煙花燈光配合著，Masquerade, paper faces on parade……我鐘意隻馬騮。

Don Juan的The Point of No Return，You have come here……. I have brought you….. 呢首歌真係好好聽，聽musical便是要聽現場感染力。最後一幕，我想知Phantom點走，當然燈光幫了不少，但真正逃走路線是什麼呢，The Point of No Return依然深印腦海內。
Phantom令人覺得好感動，這是音樂的感染力，我好鐘意Phantom把聲，真係好靚，Brad Little，yeah。Christine的聲音與相像中差太遠，但愈唱愈好，Think of Me的表現該是有點失準吧。

太熟每一首歌，因為常彈，所以手指不期然跟著音樂郁動，熟悉每個音符的鋪排，再看一次電影會更滿足。

Musical後，期待Le Nozze di Figaro這套Opera。

去西藏唔怕高山

說回去西藏的決定，友人說會有高山症喎，然後我在想係喎，會有高山症喎，但之後又在想當年去歐洲去過雪山，海拔幾千米我都在跑黎跑去，什麼事也沒有，所以也不用太擔心吧，反正去之前買了藥帶住食就得啦。
然後友人又說高山症會死人喎，我又在想係喎，會死人架喎，但忍不住說一句你即係覺得我會咁易死係西藏啦，西藏話題至此終結。

開始發病，鼻塞喉嚨痛，究竟係咪前幾日俾唐文龍傳染呢? 唐文龍失蹤幾日，唔覆sms，我諗要去佢做野個度先搵到佢。我依然好想買歐洲藝術本書，不如去多次書展好唔好，但去多次為左買本書係咪好白痴。

今日決定睇哂羅馬帝國既章節，yeah。

續．

我要看見一片靚的天空

一本精華遊是本看完後讓人心情大好並且很開心的書。
真係好想問一句「點解同一樣放大假，你望到個片一定係靚既天空?(From小儀序)」
為此，我要讓此後每一個假期都能看到一片靚既天空。

竟然在一本精華遊看到這句歌詞，「騎著電單車的黑皮褸，懷念你那雙手．．．我為何讓你走．．．」，本來死也不想坐電單車的我，突然好想返去叫表姐夫載我一程。雖然地點人物有點錯，但首歌岩就得。

激發起想去旅行的筋。
我發覺假如要去歐洲自由行，我必須要找一個照顧到自己之餘仲有心有力照顧到我既人同行，因為太多野要理，機票火車飛酒店旅館博物館通行證，我會癲，我根本就是一個需要被人照顧的人。

今天(22/7)有人送了本斷市書，中國國家地理雜誌出的珍藏版青藏鐵路，加一本Van Gogh A LIFE，好滿足。你說，明年是否真的可以去西藏呢？小孩子可是把這些事都記住的!!!!!別騙我。

我真的真的好想看見一片靚的天空。

穿越千年的傷痛，又有誰在盡頭在等

傳說人死先到鬼門關，途經黃泉路，便來到忘川河邊........
忘川河水呈血黃色，?面儘是不得投胎的孤魂野鬼，蟲
蛇滿布，腥風撲面，波濤翻滾......
河上有座奈何橋，橋分三層，生時行善事的走上層，善
惡兼半的人走中層，行惡的人就走下層......
走下層的人就會被鬼魂攔住，拖入污濁的波濤之中，
為銅蛇鐵狗咬噬，受盡折磨不得解脫....
奈何橋上有孟婆，要過奈何橋，就要喝孟婆湯，不喝孟婆
湯，就過不得奈何橋，過不得奈何橋，就不得投生轉世....
孟婆湯又稱忘情水，一喝便忘前世今生.......
一生愛恨情仇，一世浮沉得失，都隨這碗孟婆湯遺忘得乾
乾淨凈。今生牽掛之人，今生痛恨之人，來生都同陌路,相見不識......
為了來生再見今生最愛，你可以不喝孟婆湯，那便須跳入
忘川河，等上千年才能投胎......
千年之中，你或會看到橋上走過今生最愛的人，但是言語
不能相通，你看得他，他看不得你.....
千年之中，你看得他走過一遍又一遍奈何橋，喝過一碗又,
一碗孟婆湯，又盼他不喝孟婆湯，又怕他受不得忘川河中,
千年煎熬之苦.....
千年之後若心念不滅，還能記得前生事，便可重入人間，
去尋前生最愛的人....
每個人都要走上奈何橋，孟婆都要問你是否喝碗孟婆湯.....

今生已知前生事 .....
三生石上留姓氏......
不知來生他是誰......
飲湯便忘三生事......
引用自周國賢blog<忘情水/忘川河>

很恐怖，中國的神話傳說都帶點靈異成份。
有人留言留了句很值得深思的問題，
會唔會有人已經等左我一千年？

然後一千年中，他看著我一次又一次地走過，但到他可以投胎再轉世為人時，我也已經想不起眼前陌生人是誰，咁，搞黎搞去咁多野，不如一次過飲杯孟婆湯咪算囉，難道真係等上一千年，再係人世唱首一千年以後? 可能一千年之後我投錯胎變左動物喇，斷估我冇可能好似熊之戀人隻熊咁可以變做人又得變返做熊都得，又可能一千年以後人類已經絕哂種。等待，有時並不是一件好事，雖然等待會令人感動。我寧願冇人等我一千年，也寧願飲杯孟婆湯下一世再尋找快樂，是我的，怎樣也會找到。來吧，飲勝。

想起我左眼見到鬼個結局，呢個結局係最好，自己安心咁走安心咁飲孟婆湯，自己愛既人又可以繼續過每一天，何必又要落去忘川河又要等一千年呀。一千年，真係好長，仲要係唔知可唔可以再投胎做人喎。

「別等到　一千年以後　所有人都遺忘了我
那時紅色黃昏的沙漠　能有誰　解開纏繞千年的寂寞」

衰左

衰左，可以是我，也可以是不認識的那個他。

是夜去書展，單純地只買一本精華遊，而歐洲藝術卻被人一句「都搵唔到本靚」「其他地方(攤位)都有啦」，帶不了回家，但這不是代表衰左。
這次衰左的人不是我，是那個不認識的他，當我無無聊聊於某一攤位亂揭一本名泰迪熊熊的書，男仔sales很殷勤地本著香港以禮待客的縣神笑容滿面帶著親切的語氣跟我說「呢本書好好賣架，今日都賣剩4本，賣哂就冇架喇」，可惜被我一句「但我冇興趣」回絕過去，可能我自此打擊了他的自信心，致令他第一日返工便暗呼衰左，我很串。
當我令到別人衰左以後，隨即換來報應，衰得很徹底，但當然我會嬉皮笑臉來掩飾自己衰左，當我大叫「點解會有水」，她回應「你搞壞左喇」，我會自嘲地說「睇下我幾叻，第一次實有d教訓要買架喇」，來掩飾自己衰左。

衰左，可以衰得很漂亮，也可以衰得很醜。
- - - - - - - -
我終於明白為何uwa急住收我，但我依家應該點。

抑鬱．

這次真的很低落，
外加一點的不開心。
其實，我只是個沒價值也無關痛癢的一件死物。

假如我不說任何話不作任何動作，沒人會發現我正在呼吸並且卑微地活著。
1043pm
- - - - - -
看er，讓人清醒。er總是一套能把人拉出來的劇集。
雖然看完後，依舊卑微地活著。
脆弱的生命就算堅強地過也是脆弱。
卑微地，活著。

也許可帶我去看CARS，看Monster House，來振奮一番；
也許帶我去看As it is in Heaven來探求生命的真義；
也許去看Hidden去了解人人人；
好偉大，看著百老匯coupon，看As it is in Heaven好嗎，因為只有百老匯才有得看。

繼續卑微地，活著。
0134am

快救我一命

一切在昨夜至凌晨時份展開。

當我在凌晨兩點關了電腦，準備睡覺，身體開始發冷，飛快地躲進被窩，把頭也蒙上，但也冷得不斷讓身體瑟縮至一個圓形。睡也睡不著，本來想由得自己發冷，到了3點，便忍不住拿起探熱針看看自己死得未，比正常體溫低，反覆地測，也是體溫過低，加上睡不著，便啪了一粒藥。未夠3點半，消防鐘在作怪，不斷響，更讓我的睡意全失，藥力又未發作，開了閉路電視，李媽媽說有架電梯已經被水浸緊，開了大門，事後才知據聞26樓的消防喉抵受不住強大的水壓而爆了，水如山洪暴發沿著後樓梯而下，幸好發現得早，李媽媽和隔離屋姐姐塞了防煙門的隙縫，我間屋才得以保住，又是事後消息，26樓成間屋浸哂，水位去到膝蓋，而樓下幾戶熟睡沒起床的家也被浸了。4點，我很精神，便看著一大班好健碩的消防員走上走落，直至5點被李媽媽迫去睡覺，而當時我開始不醒人事，應該不是慢慢睡去，而是暈了去，繼而熟睡。

早上，燒好像退了點。而兩架電梯同時壞，致令我沒得去街，我沒理由走落21層為左去一陣街吧，我很可憐。現在我很餓，有沒有人好心走上21層帶野俾我食，快，救我一命。

currently listening: 999(梁漢文)

憎你憎我惹起對罵

久違了的庚澄慶新專輯真的很好聽，耳油滴哂出黎。
3年沒聽過哈林的新歌，對上的那隻是春泥嗎，很喜歡戒不掉靜靜的對峙，樂園比永遠還要久也很好聽。真的很好聽，就算不買也試聽一下，說不定聽完就會買呢。現在等待FIR飛兒的新專輯，希望耳油再次一滴二滴再滴出黎。
戒不掉是宮台灣的片尾曲，真的很應景。

再次的吵架，其實我很不明白為何要一而再再而三地吵個不停，而這次我認為自己很明白地說出爭吵的原來，只是有人在吵嚷時聽不進耳，我很累，我不想再這樣繼續下去，所以我選擇抑鬱，我不要對峙。

最近在抑鬱，然後今天興致勃勃地談到要把北京master表哥介紹給polly，暗地裡覺得佢地幾襯，而2佬十分贊成，master表哥可是名好仔，單純得來又有上進心，而polly既然讀中研，嫁上北京也不錯呀呀呀。聊起小侄，我的小侄怎麼辦呢，是時候介紹女仔給我的小侄了。我好喜歡撮合人，還有很多人可以俾我撮合，開心。
既然要撮合polly和master表哥，那麼明年就去背個背包坐火車上北京，yeahyeahyeah。西藏的150蚊民宿好抵，我要去我要去，我要坐青藏鐵路去。但千萬不要吃那個什麼羊頭宴，前年在鏞記吃過，叮到嘔咁滯，特別係個隻羊眼，如果唔係為左保持儀態，我當堂就嘔左出黎，都係羊腩煲好食好多，羊頭蹄真係好難食，是一場惡夢。

currently listening: 戒不掉、對峙、靜靜的、樂園(庚澄慶)

我愛意大利!!!!!!

意大利順利捧盃，我高興了一整晚，友人問道「巴西輸左你喊到訓唔著，依家意大利嬴左你就開心到訓唔著，咁即係點」，因為兩隊我都愛，而且是愛死個隻。當年的意大利，我很愛巴治奧，但可惜他做了罪人，這年頭，Del Piero幸好沒做成罪人，而我的簡拿華路帶領的後防真的是固若金湯。可惜的是我的簡拿華路竟然在金球獎輸給了Zidane，明明應該係簡拿華路拿下這個獎的，但簡拿華路能在第100場國際賽拿下了世界盃，已經好幸福，有幾多球員可以做到呢？我原諒這個不完美。

Zidane含淚出場，對於意大利球迷而言，很大快人心，也許錯真的在馬達拉斯的幾句說話，也許這幾句說話真的不堪入耳，但是作為一個足球員，不是該把自己國家隊的比賽放在首位嗎，再加上Zidane踢了那麼多年的波，大概也知道這是對手故意的挑釁，幹嘛沉不住氣，用頭去頂人，在這而言，我覺得很無品。有很多人說Zidane故意令到自己出場，很好笑，而聽過笑完也就算了。而馬達拉斯毫無疑問成為了今場的主角，一次勾跌令法國得到12碼，一個頭鎚攻門迫和1:1，一句說話令Zidane得到紅牌出場，一記入了的12碼，yo，馬達拉斯，好勁呀。另，韋拉亨利傷出，我好開心!!!!!特別亨利曾經話會摲破簡拿華路帶領既防線，看吧看吧，根本亨利就未夠班，只懂offside和做戲不懂入球，開場簡拿華路撞暈亨利，我的簡拿華路做得好呀。

在比賽時，和唐文龍邊聊邊看，當我們看到法國球員把球推進意大利前場，我們便會大叫「唔好呀唔好呀唔好呀唔好呀」，直至攻勢瓦解，很緊張。其實查斯古特球12碼，我真係好驚好似Zidane個球咁，幸好唔係。

當簡拿華路高舉世界盃時，我覺得好感動，而totti化身村姑，好得意，Del Piero俾我見到佢食左張紙碎，格羅素high到除褲，保方勁興奮，而我一邊同hopi handfree傾一邊同唐文龍傾電話直播頒獎情況，我很HIGH，HIGH翻天!!!!意大利，為西班牙巴西葡萄牙報了仇，也破了12碼魔咒，如此同時，我很希望英格蘭也能像意大利一樣。

早上六時，終於肯上床睡覺，但起床後，仍然很HIGH。

我愛死意大利愛死Cannavaro迪比亞路村姑Totti馬達拉斯Toni派路De Rossi格羅素保方森保達尼斯達納比甘莫蘭尼斯．．．好掛住巴治奧馬甸尼!!!

我也可暢遊異國，放心吃喝

我願意從天邊找我的海角。

哼著「如果東京不快樂，鐵塔亦能快樂，巴黎無快樂．．．」，巴黎是一個少數我不想提起的地方，雖然在那兒，被人隊過酒、在鐵塔上中過生平第一個暑、被工作人員所救，發生過趣事，但卻有著平生最醜陋的對罵，而這個場面，我一直銘記著，儘管我並不是其中的主角。

很幸福並幸運地，遊過歐洲遊過北美遊過泰國遊過北京，中二時不知何來的勇氣還是已經被人設計了，一個人背著背包，帶著Ernie，坐十幾小時的飛機，還要在東京轉機，輾轉到達了底特律，過了一個多月，然後再帶回Ernie，隻身回到香港。也許說明了很早以前，我已經和這世界離不開，往後我只有不停地穿梭不同的地方，不是去觀光，而是真的旅行流浪，去感受文化感受快樂。

我就算很想一世躲在你客房，仍然為天下響往。

現在很有衝動再自己背著背包坐上青藏鐵路，去嘗試患上高山症，到布達拉宮，看大草原藏鈴羊，去呼吸沒呼吸過的空氣。

世界這樣大，會有一天，所有地方都有過我的足跡嗎？
你看過世界的不同地方，其實我最希望的是你踏足過的也有我的步印留下。

currently listening: 如果東京不快樂(楊千嬅)、旅行的意義(陳綺貞)、重回布拉格、離開古城(林一峰)

看不見滋長，卻在發生

有一種生物，它以極之緩慢的變化滋長，
即使你每天用雙眼牢牢地看著它，你還是看不到，你還是不會知道
就好像你不會知道自已何時會變得很憂鬱，在何時從心底裡展現出燦爛的笑臉
有些東西是看不到的，也不能用時間來計算,也沒有速度
正如，你不會知道，你在何時會愛上一個人
當你發現的時候，已經來不及了
你沒法改變你的心，你的渴望
那麼便好好的安靜下來，細聽你的心說話吧
你會找到答案，你會知道怎樣做的。
樹會倒，花會落，淚會無聲掉下，生生不息....
你的心將會被安撫下來，在你不知道的時候。
From: 你不會知道何時會愛上一個人　蕭碧芬

愛情，從來是件詭異的事，十分吊詭。
就像侵蝕過程一樣，明明在發生，但在轉眼間卻看不出有絲毫的改變，總是要在長年累月後，才曉得因為這過程讓身心耗損。
逐漸逐漸地磨損，最後剩下什麼
不知道從何開始，也阻止不了，
最理想的過程是和空氣融為一體，分開不了，這樣的磨蝕，是最心甘命抵的。

回憶中的那段過去

近來在想著過去。

過去好像總會讓人興奮，elvi提起了大佬欠下我們一個蛋糕及帶我們去九龍城吃好的，然後看到了我們在7月24結拜了，黑豹吸血鬼狼人科學怪人，米埔一日遊，xanga記下了很多枝節，但有些事卻想不起來，例如大計劃究竟是什麼。過去讓人覺得很美好。

有時候，想著過去時，整個人都出了神。今天乘巴士時，看到前座的籃球男，我想起了愛打籃球的愛立信，其實我認識的男人都愛打籃球，不愛踢足球，最記得愛立信的一件事是他替我把蟑螂打死了，到現在我還是很怕，當時我認為這男人很厲害，因為他很冷靜地處理這一隻恐怖的東西。我沒有一點愛立信的消息，自從失散了後，奇怪地，其他人的去向我總無意中知道，但從沒有人跟我說過愛立信的事，我只知道他媽媽好像得了嚴重的病。過去是值得人懷念的。

過去總是很奇怪的纏繞著，特別在某些時候。

快樂足球依然是你，森巴

我真的不太想討論巴西為何出局，我只想說，不是法國勁，而是巴西自己犯的錯。
凌晨時份，哨聲響起，看著死亨利施丹的小人得志樣，淚水自己自動自覺地滑落。98年那一夜，也是這樣，我想，我應該奔去巴西做個愛國的巴西人。但我已經長大了，不再是那個12歲的小女孩，所以我會很冷靜地詛咒死法國佬，詛咒死亨利，好讓巴西人史高拉利帶領葡萄牙擊敗王死法國佬，報了這個仇，yeah。4隊歐洲波，我撐葡萄牙!!

The phantom of the opera在早年入戲院看早場，當時是覺得主角們唔靚但唱歌好聽製作精美，但今日在電視看回，Raoul好似靚仔左，可能屋企電視細，看得冇咁清楚既關係。另，我覺得唐文龍好適合做phantom一角。

凌晨時份，幸好有珍珠陪著看球，以致我心情沒那麼低落，我在等待顏犘根出黎俾我發洩!!!! yoyoyo
ps. 很感激各位好友了解到巴西出局對我的打擊，以致一早起床sms misscall msn等皆是慰問之說話，謝謝。

天祐我們嗎

英格蘭，輸得很漂亮，是至今為止，世界盃上輸得最漂亮的一隊。
10人應戰，竟支撐到120分鐘，禁不住起身鼓掌，拍拍拍。
就算缺少一個人，後防仍是堅守最後一線，偶有反擊，為英格蘭感到驕傲。

Rooney犯規領紅牌，是否少不更事，究竟Rooney何時才成熟，成也朗尼敗也朗尼，owen仔好慘。
最後換走Lennon仔，用完最後quota，究竟留返起換入James守龍門守12碼會否更好? 結局會否不一樣。
Anyway, 英格蘭要走出12碼的陰霾，看來要等一段漫長的日子。

英格蘭，we are proud of you.

巴西，加油，為英格蘭報仇，我親愛的森巴。
天祐我們。

全為我們還算鬥士　
能在最壞時刻起義　
就算我不是先知　
都有信心
命運太爛　
甚麼亦不太順眼
隨他們如何害我　
陪著你命便夠硬
贏了氣勢　
又怕輸去甚麼東西　
路障不算甚麼東西　
你我要心情美麗　
橫過了赤地天涯　
仍能微笑發誓

我決定杯葛德國1個月

說我小孩子氣，什麼都好，
我一定要杯葛德國1個月。
不吃德國熱加咸豬手德國啤酒，不用同德國有關的東西，包括德國牌子。

Argentina, i cry for you.

明天放榜，AL仔大哂!!

今年早了放榜，原來很多朋友仔也是AL仔，所以，當了一晚輔導員。
明天，全日standby，因為AL仔大哂!!

回想起上年，foto仔們對我很好，並且專登搞gag來哄我，到現在仍是很感激。

明晚德國大戰阿根廷，但後日更好看。

舞林中的寶典，他真的得到了

今天去了唱畸，和娜及珍珠，身心舒暢，難得我準時到達約定地點，其實，我常遲到嗎? 我也不想的。

看完了郭富城的舞林寶典後，和珍珠雙雙中了郭富城毒，差不多整個演唱會也唱勻，我為何還你走，很慘，聽到想喊，特別當這個男人吹完sexaphone後，再唱「我為何讓你走，只因你說你要你的自由，無奈我為你易放而難收，從此飄於世間像夢遊．．．」當這個男人再扮機械人唱著聽風的歌，我腦中想起Blade Runner，其實Blade Runner中的Deckard和Rachel並不是什麼淒美的愛情，只是扮機械人，我想起replicant，再想起折磨了一個sem的Blade Runner，「如果一生必須分開方可以與你再相遇，為何時間緩緩流過，任讓寂寞凝聚．．．縱使今天分開依然信你聽到，纏纏綿綿的愛字」，這首歌也很慘，看著他跳機械人舞，然後很落寞地哼著這首歌，心很酸。「我是不是該安靜的走開，還是勇敢的留下來」「到底有誰能夠告訴我，要怎樣回到從前，有你在我身邊，拿生命換都情願」，點解這個男人的慢版情歌都是那麼慘。
其實，從來，我也不太喜歡這個男人，連他奪金馬影帝，我都充滿疑問。但毫無疑問，這場演唱會真的很好看，這個男人跳舞好勁，真係好勁，而且最恐怖係竟然差唔多首首歌都懂得跟住哼唱，他和陳奕迅的演唱會是幾年來最好看的之一二，比起我喜愛的陶吉吉更好看，完全是值得一看，好看到連dancers和排舞老師都很有看頭。而我們3個更加是我為何讓你走上腦。

唱完畸，便去樣衰的畢業典禮，悶死，但好過烈日當空曬到中暑再死埋。然後等了很久，才等到樣衰奔去cwb吃東西，偶遇久違了的shirley，成大班人好恐怖，而呀娜又不肯去social，我們只好屈在一角聊些好笑的話題了，真的很好笑。

currently listening: 我為何讓你走、聽風的歌、我是不是該安靜的走開(郭富城)

撲鼻的檸檬草

突然我記起你的臉，那觸動依然像昨天。

忘了你的臉是很久的事，也許現在記起的臉未必是你的，但在我腦內，它說這是你的。
也許你已經變了，變得成熟，變得穩重，也許已經和我記起的臉不同，
這些，其實不重要吧，
我依然希望，有一天，我會想起，
小時候屬於我們的事。
以前的我們，是如此的無憂無慮。
然而，世界的殘酷，卻把我們拉遠了。
傷口，就算結疤了，也不代表它不存在，反而，時刻地提醒我們，那些我們所失去的。

畢竟用盡了力氣也未必如願，總是要過去以後才了解。
親愛的，我當時並不懂得。

我還是安份守己玩我的鋼琴算了

我想看的節目如下：
Madama Butterfly in concert 蝴蝶夫人 16&18/9 (睇唔睇好呢)
Le Nozze di Figaro　費加羅的婚禮　20-24/9　(慫恿唐文龍中)
Vienna Boy's Choir 維也納兒童合唱團　25/10 (w/ cyrussss)
仲夏夜之夢　意大利米蘭史卡拉歌劇院芭蕾舞團　27-29/10 (w/ 李媽媽)
Soundfest: Three Broadway Divas 25-26/5/2007 (一齊起身高唱I could have danced All Night)

看完Anne-Sophie Mutter後，就勁興奮，接下來的幾個月有好多節目好看。
Anne-Sophie Mutter好靚，拉得又好，但重點在encore兩次的曲目，更顯功架，好犀利。鋼琴的Lambert Orkis也好勁，我喜歡他對腳在彈奏間撐下撐下，哈哈哈哈。偶遇何志平，其實真係撞過何志平好多次，他坐在我旁邊個行，塊面好紅，走上樓梯顯得吃力，可能是腳短的關係。
其實我真的好想去看維也納愛樂樂團，但票價是1800/1600/1200/900/600/300，買了300蚊的話，我大概只能看著指揮對他笑。好貴，不如第時去維也納流浪時再看，就這樣決定。
而決定會看的那些，我只有能力負擔最便宜的票，但在concerthall，我真的覺得買幾多$票都是一樣，年輕如我，只需要聽到，並不需要靚聲。

看小男孩們扯高嗓子唱著你一世人也沒可能到達的高音，真是件賞心樂事。而且他們會穿著水手服裝，有高有矮有肥有瘦，不同種族不同膚色，好好看呀。Conductor會是Raoul Gehringer，極度期待。

然後，它沉沒了。

也許我真的很愛你，但我一直以為那叫喜歡。

今天無意中知道你找到工作，而他則到hku繼續讀書，其實，一切與我無關。但，聽到後，就如你拿著一塊大石拋往湖中心濺起強烈的水花般帶點震撼，不久又復歸平靜。或許我會看著大石沉底，抑或我會叫你片石給我看，可能到最後我拿起另一塊大石丟去湖中看著它沉下。
有一天，我們可能在街上偶遇，大家不約而同說I'm sorry about．．．，還未說完便已相對微笑，然後並肩遠走，就像小時候一樣。
長大了，也回不到過去。所以，我們要好好地過每一天。
因為，我們都是傷得太重的人。

currently listening: 解脫、好久好久不見、我會好好過(李玖哲)

大家都愛李玖哲

阿根廷勁呀，南美足球加油!!!!!!!!
我支持叛變，因為發起人據聞是我的favourite，不過，呀頭都應該諗諗計架喇。

晚上看到麻吉，李玖哲超得意，把聲超好聽，人人都愛李玖哲。麻吉弟弟真係大個左好多，依家15歲但就已經180cm高，痴哂線，成隊麻吉都好正。

這兩天讓自己休息，基本上這幾天沒什麼好看，雖然晚上有人約睇波，但我寧願訓多陣，因為明天要連看巴西vs澳洲和法國vs南韓，南美，加油!!!!!

明天父親節，要出街，其實，沒人讓我慶祝，這些節日都讓我很怕，在家上看到人地一家人一家人開開心心咁慶祝，心情真的很百感交集，但卻要裝作沒事般出街飲茶，為什麼要那麼累，我只想躲在家，唯一讓我安靜的地方，他，會在那兒嗎? 我很想，你。
很沒用，每次聽著單車都覺得很痛，經已給我怎會看不到，。這種節日讓人難過。

5000大元買入不祥灣仔

近來看得世界盃多，開始喜歡運動型的人。KAKA好得意，我覺得自己好痴線。
完全忽略了天氣這個因素，其實烏克蘭輸波有部份原因是受不了炎熱的天氣，西班牙雖入了4粒，也不見得因此而順理成章成為奪盃熱門。厄瓜多爾完全是賽前被忽略的一支球隊，也應該是今屆的黑馬吧，希望佢入到4強，我不懷好意地想。

昨晚去了marvelous，好大，但只得兩臺人，食物很好吃，飲哈很好飲，雖則唔知點解polly個杯有萬甘油味，可能是mint的關係，但其實呢間真的不錯。hopi未到前玩層層疊，然後吃完野便玩大富翁，做銀行做得好開心，erica玩至中段破產舉行拍賣土地，hopi為了情意結而用5000大元去買下灣仔，我慫恿她到灣仔大叫「灣仔係我既」，然後中了詛咒般到hopi破產，elvi則用了12000蚊買下灣仔西貢愉景灣3個連續地帶，但惡運卻轉到elvi度，elvi窮得迫不得已抵押灣仔，但卻不知怎的polly受到hopi慫恿買下邪氣的灣仔，最後因此而輸掉，讓elvi成為大富翁。
11點幾離開marvelous，12點幾回到家。
這晚沒看任何球賽，睡了9個多小時，很滿足。

下星期有小提琴看，然後約vivianpun王韻婷聚舊，再下個星期，趁放榜前約elvi輕鬆下，6月便是這樣過了。
7月看決賽，看phantom，不想搵野做，我很懶。

去吧去吧 森巴兵團 進攻吧

凌晨和好友hopi邊聊電話誘看了兩場分組賽事，美國vs捷克，雖然捷克大勝3比0，但可惜整場比賽都很悶，悶死，但尼維特依然好得意，但真高拿好慘，希望佢早日康復啦。
看完第1場，便睇左心郁心慌逐個捉，馬德鐘個頭好似尼維特呀，但好樣衰，其實個故事應該幾懸疑既，但希望最後唔好係水偉才扮假死，點解我會有呢種直覺?
3點便是重點賽事意大利vs加納，迪比亞路做後備但都有得出場，佢同totti都剪左頭髮，totti塊面終於冇咁方喇。其實都幾悶下，反而加納有d睇頭，其實佢地成場都有好多球應該可以入，可惜佢地大賽經驗欠奉，希望佢地下場踢好d。而意大利就．．．個防守做好d啦，俾迪比亞路出耐d啦。
凌晨5點完成兩場波，結果我在廳睡著了，而呀媽聽不到我步入房睡覺，一度以為我睇波睇死左，我諗，之後我點都會好大聲行返入房訓喇。
想起94年，那時我很喜歡巴治奧，也很愛巴西，最後那場決賽是意大利vs巴西，結果那場決定了巴治奧的命運，而我一直喜愛巴西至今，原來已經12年喇。我也算是長情專一喎，哈哈哈哈，但只限於呢方面。

今晚重點是巴西vs克羅地亞，如果巴西輸左我真係唔知會點，但巴西又怎會輸，我要有信心，對KAKA細哨大哨阿祖安奴DIDA有信心。而且天氣炎熱，應該有利森巴兵團的。

0216 am
瑞士和了法國，我在暗喜也在竊笑，在約兩個鐘前，珍珠的細佬才跟我說法國必贏3粒以上，並說害怕我明天會為此而喊，現在我要大聲地說，瑞士和左法國，要喊個個應該係你，我已拜託珍珠替我嘲笑佢細佬。瑞士踢得好好，孖仔沒全出場，但孖仔好得意。

我在等巴西踢出悅目的進更足球!!!!!!!!!

續．

好似做左世盃快訊咁

昨晚看了少少墨西哥vs伊朗，因為我要看我錯過了的阿根廷vs科特迪瓦的精華。昨晚的葡萄牙錄起了，早上起來看，C朗有很多機會，但明顯他很緊張，怎樣說也是第一次在世界盃這大舞台中亮相，希望他愈踢愈好。費高果然勁，成33歲仲可以跑黎跑去。
今晚有美國vs捷克和意大利vs加納，可能我會睇睇下死左。希望迪比亞路做到正選啦。明天就是巴西了，我的森巴兵團，好緊張。雖然我不喜歡法國，因為有亨利在陣，但正所謂知己知彼百戰百勝，所以聽晚都要睇。

好喜歡Yellow這首歌，今天狂聽。

Love is beautiful

The Omen 1976 vs 2006

今天差點起不了床，唐文龍在10點幾已經起左身打電話黎，但我在11點幾才起床，起床後回電話。
遲到是預了的，珍珠害怕我因為昨晚看了兩場球而起不了身，樣衰最先會合珍珠，然後是我和peggy，最後是唐文龍，今天的活動是看電影The Omen。我聲明搞手不是我，我只是負責聯絡，純PR一名。

先說說坐位編排，擾亂一輪後按照原定計劃，peggy-->唐文龍-->樣衰-->我-->珍珠。
開場前，唐文龍一直和樣衰密斟，關係撲朔迷離。而在臨開場前，唐文龍問了一條問題，「你會唔會叫架」，樣衰答道「我唔會架」，唐文龍聽後便說「我都唔會，但我隔離個個會(手指著peggy)」，接著便開場了。
一直看，冷氣一直在凍，我覺得目的是想凍死我，看到幾個shot想笑，過了一個小時後，覺得劇情太累贅，男主角太猶豫不決婦人之仁，好想拍醒佢，特別係當佢查出所有野後，卻唔信唔記得邊個講既野。在偵查過程中，當去到一個墳場，男主角看到自己親生仔既墳墓，正在傷感之際，兩隻大黑狗撲出，某人開始大叫，然後其餘兩個附和著大叫，害得我和珍珠在喪笑，接著在差不多最後當個癲婦從後擒在男主角的背部，又有人大叫，又有人附和，我和珍珠又在喪笑，誰先叫很難說得清，究竟是3位中的誰人先大叫，成為謎，因為各人有不同的解釋。
成套The Omen又不是說不好看，只是條story line由頭到尾都估到，所以驚嚇位都有預警，音效血腥搭救，但比我想像中的血腥輕得多，我真的以為神父之死是兜頭插死，而電影中的斜插，其實沒那麼恐怖，爆玻璃有點假，但少少特技總是要有的。
和驅魔人一樣，富有exotic的國家成為重點之一，那個什麼什麼鎮，montage亦出現在男主角的夢中，怎樣去讀因人而異，我也忘了我在試卷上怎去讀驅魔人的montage。電影或多或少反映了70年代美國的家庭問題嗎，同樣以小孩作為主角，其實個個年代既恐怖片都差唔多，如The Omen和The Exorcist。Genre就如Formula。無啦啦幾想做research，點解70年代咁多恐怖片喎，仲要係經典個隻喎。

看完戲會合cyrus去pizzahut食tea，teateatea，cyrus和唐文龍先走，然後我們4人heir了很久，大部份時間笑死左，看到小男孩飄過、一班好嘈既細路，仲要全部都係女仔、為珍珠將來生的小孩擬訂一天補習，peggy負責中文，我負責藝術，樣衰負責人際技巧，我覺得珍珠應該覺得自己好好彩識得咁多人。

最後行街，陪珍珠食晚飯，看了幾十秒鐘荷蘭對塞黑，便回家去了。

ps.　今天唐文龍屈我地迫珍珠，並且叫我們不要再欺負珍珠，唐文龍很關心珍珠維護珍珠。
另，我們亦沒有迫珍珠，不要屈我地。
pss. 17號在明珠台有The Omen 1976年版本，未看過的一定要看!!!

4：2 = 2：0

世界盃終於揭幕，德國小勝哥斯達黎加4：2，hopi說減返條數咪又係2：0，咁又係喎。
凌晨和hopi隔著電話一起看開幕戰，想不到開賽初段便踢成2：1，仲以為我猜中，這個賽果一直到最後。但是下半場又踢入2：1，最後4：2，德國小勝。其實我們都很滿意哥斯達黎加的表現，起碼他們有入球，在德國身上，這支歐洲一線球隊身上取得兩球，就算輸，也輸得漂亮，很想拍手為哥斯達黎加歡呼。很久沒看到開幕戰雙方合共攻入6球，是因為雙方後防都不穩，德國好應該考慮一下是否該換出列文，雖然大猩猩簡尼都係36歲，但我覺得佢經驗好好多喎，我同hopi都期待佢復任正選。題外話，德國20號仔有幾分似alansmith，hopi說他都幾似C朗喎，是否我們太想看alansmith和C朗，從而產生幻覺呢? 奇連士文冇得咁耐波都咁fit，相對比哥斯達黎加既教練真係型好多英好多囉。
第2場波蘭vs厄瓜多爾，厄瓜多爾爆冷勝出，其實厄瓜多爾踢得幾好，希望厄瓜多爾可以俾到德國壓力啦。今晚看英格蘭vs巴拉圭，再看看有沒有精神睇埋阿根廷vs科特迪瓦，明天中午看The Omen。
上線後，roy想討論昨晚兩場波，但我極度沒心情，因為我想起他勁踩我的森巴軍團，仲要同德國相提並論，依然好炆。

撩交嗌究竟居心何在，妖

今晚世界盃開幕戰，德國vs哥斯達黎加，其實不關心戰果，只是為了開幕而看。

11點起床，紅雨轉黑雨，被行雷聲嚇親，然後看eason get a life的disc 3，別遲來的早餐，想著樣衰今晚如何去grad din呢，幸好到下午沒什麼雨，希望她一切順利。
上線看新聞check email，最後落得和roy爭論的下場，其實惹我有什麼好處，巴西就算輸，我都係撐巴西，巴西就算出局，我也覺得他輸得漂亮，況且森巴兵團是不會輸的。結果我反擊完不負責任地下線吃飯去。反正作口舌之辯是我的長處，啦啦啦。
ps. 我鬼唔望你個西班牙小組出線對住法國俾施丹踢出局!!!!　(為了這口氣，我豁出去生平第一次支持法國)

繼續執屋，其實我已經執了幾天，仍然執不完，可見我的房間是如何亂，但重點是，為什麼執完了還是那麼亂，奇怪。 算是執了2/3，點挖我有咁多野? 雜誌堆了一座小山，堆完，又從些詭異的角落又有另一堆，我的天啊。

德國vs哥斯達黎加，還有幾個小時，好緊張，hopi猜德國小勝2球，而我則希望哥斯達黎加入回1球，且看哥斯達黎加能否爭回一口氣。明天看英格蘭vs巴拉圭，很想看高治是否得個高字，也想看看英軍的黃金中場如何厲害。

無啦啦下大雨吹大風，趕忙關窗，坐在窗邊，看著風在嘯，狂閃電，嚇死自己。

世界盃就在一個風雨交加的夜中展開序幕。

currently listening: 滾(梁漢文x楊千嬅)

世盃將要掀起戰事

昨日替呀娜預祝生日，早早就起床好在11點半仆到cwb和珍珠買蛋糕仔，呀卓起不了床是意料之中，而樣衰遲到則在預計之外。唱了好久的畸，唱得好累，朱古力蛋糕仔好好吃，而那個什麼飯也不差喇。樣衰早走，然後陪呀娜到旅行社拿資料。下年要去台灣，本來今年會去西藏，但我不想去，沒心情去旅行，旅行該是開開心心去的嘛。在mc記等peggy，很久違，遇上變態佬看中珍珠，弄得我背脊一直發寒。8點多才死回家吃東西。

可能是昨晚睡得很熟的關係，今天10點半便起了床，但很精神，看eason的get a life，很好看，沒到現場感受是這年的遺憾，不說話的演唱會我喜歡，起碼聽覺視覺都得到了頂級享受，他說些什麼已經不重要了。本想下午繼續執屋，別以為我家很大，執幾天都執不完，其實只是我懶而已，未執到些什麼，便被樣衰叫了出去，樣衰明天grad din，要去買戰衣，那我執完個細櫃便仆了出去cwb，又是cwb，我的生命逃不了這個鬼地方。帶了fendi袋袋給樣衰明天帶去驚豔全場，她的上衣我拿了出來也不懂穿，陪了她極速買完裙和鞋，之後亂逛。樣衰真的不適合斯文，可能是我和珍珠認識了她太久的原故，怎樣看也不覺得她是淑女。節拍的sales很恐怖，我們被兩個sales前後夾攻，不斷推介，我很想說，其實我識睇字也讀過filmstudies，我懂得什麼戲最適合自己看，不用推介。最後到了missha，我和珍珠也覺得那指甲油很好看，偏偏樣衰不買，那便只好各自歸家，珍珠和細佬吃晚飯，我便仆回家做乖女，樣衰．．．應該約了呀色吧。

肚子裡的蝴蝶焗死了

這天不停在執屋，雜誌執不完，為什麼我有那麼多的雜誌，執到想喊。
收拾這年的notes，不自禁為唐文龍留起了某些處於重要和無關痛癢之間的額外reading，然後我在想，其實送了他，他也不會看。把兩本貴書收存好，好等下個sem賣給唐文龍。
看完了<你的肚子裡可有蝴蝶飛舞>，很快看完，簡而精，有些點是說得幾中，總結是，我的肚子沒有蝴蝶在飛舞。
可是，當蝴蝶振翅，我還是會害怕
也許因為太容易受傷，反而更勉強自己迅速療傷

經常受傷，但決絕時，也可以咬著牙傷人。
傷人唯一的方法，是冷淡。受傷經驗太豐富，因此更懂得。
傷害別人的方法，然除非無可選擇，絕不使絕招。
因為，那樣自己會傷得更深。

很好奇別人抱什麼態度來看這個blog，特別是在yahoogoogle無意中search到便好玩地click入來看看，看這個人如何無聊地過一天，幹過些什麼，心情如何，如何被小事而弄得發炆從而發洩，然後帶著微笑再click出去。該是這樣子吧。之後我在想，有沒有看了很久後，很想知道唐文龍究竟是誰的人，因為唐文龍出現的頻率十分高，是否滿腦子的好奇? 對呀，我不僅在我的中四中五捧紅了他，我連預科大專，到這個虛擬的網絡世界也要捧紅他，但為什麼呢? 為了好玩好笑好有趣。會否在腦中嘗試描繪唐文龍的樣貌出來，帶有陽光般的笑容，身材健碩，永遠只流連二三線之間，肌肉人，眼角常帶有些細紋．．．唔，如果你腦內的唐文龍是這樣子的話，就繼續幻想吧，幻想是一件美好的事，因為沒被真實所嚇倒。

執屋，有一個目的，是把東西丟掉。
把東西丟掉，相對地，就是把回憶丟棄。
收拾東西，讓很多物件帶出它的回憶，如校園報兩本，我竟然寫了碟評；edison面具，我搞笑天份太高，抑或是我本身就滑稽，但因為它，第一次看見彭太開懷大笑；mapreading兩份，唔知點解地考完AL成年，仲會出現係我面前，自然地想起譚太．．．
有很多回憶是因為它們的出現而被勾起，當我把它們丟掉時，下次想勾起這些回憶又靠什麼呢?

明天出街玩，然後復歸執屋看球看碟的生活，世界盃對我太太太太重要。

currently listening: 尋開心、誰明浪子心(趙學而)

去吧，森巴兵團

凌晨欣賞完巴西世界盃前的熱身賽，最後大勝4比0，大哨明顯地未回復最佳狀態，KAKA依然勁，阿祖安奴都差不多返哂黎，但依然有點擔心巴西。

剛看到trazy勝家中的黃興佳金句，笑死左，黃興佳是有線espn足球評述員，有人說他折磨香港球迷耳朵多年，無啦啦諗起呀yuk既我有耳仔，有人說看完他的金句後保證會話「點解講咁多廢話，仲有得逗人工繼續講?」喎
節錄：
01. 領先一"凹" （明明係"粒"，係要讀成"凹")
02. 波係圓，係用來踢既　(鬼唔知係用黎踢)
03. o係今場波邊隊能夠入一"粒"先，果隊就會有優勢 (係喎，唔講都唔知囉)
04. 睇波呢家野，睇得波多咪睇到多d好波囉 (呢個世界有樣野叫精華)
08. 呢個罰波係o係右路偏左既位置 (不如講埋係北緯東京偏東幾多度呀)
09. 每隊波都要有個好既死球專家 <-----經典...
11. 所以話，現代既足球每隊波一定要有一個罰波專家
12. 現代既足球，係將皮球送入網窩裡面既（難道以前唔係？）
13. 現代足球講求有實力，有速度
14. 現代足球最緊要攻守兼備
15. 呢球波拉得咁行，唔係用腳背，係用腳既肉心呀 (嘩，即係邊度呀)
18. 當一隊波進攻既時候，另一隊就需要去防守
19. 十二碼呢家野呢，有兩個可能性，一係入，一係唔入
20. 呢球波一係入，一係龍門救到，一係出界
21. 呢球波，如果冇龍門就入喇
22. 呢球波射得恰到好處，唔太高，唔太矮，唔太勁又唔太遠，總之就入啦
23. 一個好既守門員可以令到場波由輸變和，由和變嬴
24. 哈哈，龍門最好既朋友係邊個呀？咪係龍門柱囉
27. 幾時都話，後防好緊要，紐卡素就差係呢度〔利記對紐卡素重覆了大約十次〕
28. 防守球員犯左腦筋上既錯誤
29. 拿…做防守球員最緊要係咩呀？咪"安全第一囉"
30. 條防線包得無深度，裝越位失敗，咁咪失波咯
33. 識轉身既前鋒好值錢 (識得入波既前鋒先值$，淨係識轉身係冇用)
41. 波唔使講架，球迷自己識睇 (咁你又講?!)
42. 呢場比賽我只可以用"一個字"黎形容---精采 (擺明兩個字，不如轉做英文excellent呀)
43. 嘩！睇呢場波就興奮過食興奮劑
52. 西班牙球會奧沙辛拿(Osasuna)=「奧沙桑拿」
53. 新特"能"　(新特蘭)
54. D 利物浦球迷唱緊佢地既會歌--你永遠唔會一個人行路 (翻譯能力真係好．．)
56. 呢球波係咪真係紅軍既利物浦出界架？好似擦到藍軍球員既波襪架喎 (嘩，睇得好仔細呀)
57. 愛華頓呢隊波蔗渣o既價錢，但係踢出燒鵝o既味道
58. 巴路士，淨係識得一味去，冇諗過交俾身邊既隊友
59. 利物浦的巴路士同列斯的巴基.....兩個都係姓巴........ （英文名呀大佬）
61. 保方保方，保住後方　(怪不得係意大利國家隊咁重要)
62. 保定保定，保住就定
63. 梅度梅度，梅開二度，跟住加多句"林伯特差Ｄ入多球，變埋梅度"
64. 近排加利仔狀態唔夠fit呀-第一佢跑得慢！第二佢唔夠快！！第三無速度！！！(用左3個唔同既形容詞，中文真係好)
65. 呢球波史高斯好有機會入波，但係無機會起腳
66. 希斯基，力的表現!
69. "O"雲仔一心自己去，一定架啦......英倫三島的前鋒係唔會交波架......
70. 呢球波碧咸傳得好靚架，不過前面羅唔到咋嘛
71. (亨利)12碼都唔入，30碼又點會入呀　(咁多句，呢句講得最岩!!!!)
72. 柏金呢隻老馬就好似星期三晚夜馬隻駿先鋒咁，追極都追唔到呀！
74. 哈素賓基個名咁長，個 Shoulder 冇返咁橫都印唔晒個名
77. 佢既全名係冼拿馬?邦高利，如果是旦叫冼拿馬或者邦高利就係唔岩既，你有無人叫歐陽做阿歐架？歐陽就歐陽，司徒就司徒架嘛，佢就係咁樣樣喇，冼拿馬邦高利冼拿馬?邦高利，如果我今晚叫到你全名6次，我就請你食宵夜 (已經講左4次)
79. 呢場波可能係英倫三島兩個最佳左後衛既對決 --- (阿仙奴 vs列斯--艾殊利高爾 vs 夏迪) (但兩個球員都打自己的「左路」，怎會相遇)
80. 做唔成英雄，就做罪魁
84. 唔會俾牌，英倫三島既球證唔會咁易俾牌.......真係比喎.....球證太過嚴
86. 今日藍色波襪踢得好過白色波襪
90. 列斯領先2:1︰領先緊一球就梗係同你死守,守住個勝果;紐卡素扳平2:2︰拿,呢個就係打死守既後果
91. 阿仙奴開波幾分鐘就入波，好打好多。（被追和後）我都話，太早入波未必好架......因為有大把時間比人追丫嘛
96. 入到禁區就係皇帝
99. 奧尼爾（樸茨茅夫球員）開心到跳起，跳得高過NBA果個奧尼爾
100. .(淨番10分鐘完場，紐卡素仲輸緊一球)所以話舒利亞咁大年紀，叫佢場場打正選，點會有表現呢．．．（轉個頭，舒利亞離門三十碼射個窩利世界波入網）所以話舒利亞呢個球員，真係爛船都有三斤釘呀！

呀叔係呢個圈咁重要係有道理既。
起碼呀叔有為全港改左大哨同細哨呢兩個咁有代表性既名。

尋不回

前幾天寫了一篇blog，卻upload不了，結果我放棄了。

星期日出cwb，迫到死，以後星期日唔好叫我出cwb。我寧願去打波算。
昨晚青了一大輪，終於約了7號聚會，由9號變11，再因為呀卓的金石良言「明明放假點解要唱貴畸」而又改回7號，好期待再去數tb。
今晚又要去看巴西熱身賽，看完第1場，我對此場寄予厚望。而重點落在KAKA度，啦啦啦。

這陣子日日煲返碟，支力，但戲真係好睇。
李玖哲把聲好好聽，好得意，成隻碟差不多首首歌都有份作，雖則不是靚仔型，但把聲都勁吸引。

每每看著其實比我幸福好幾倍的人卻為著些芝麻事在亂喊自己命運悲慘，我便顯得很無奈。我認為，怎樣也好，起碼現在你還有珍惜的餘地，而我卻什麼都沒有，只有在後悔的份兒。我也不覺得自己悲慘，人總是有失去有得到的嘛，遺憾有時也值得去回味，也值得擁有，但做錯一個決定，卻難以彌補，所以，有些事，要考慮周詳，要確定自己不後悔才能放膽去做，而我，到現在，也沒有這個勇氣。起碼，你還有機會，機會是難得的一件事。

世盃戰紀

最後一日的考試。
心情高漲。

愛人陪我吃飯，還送了我很想得到世界盃特刊，我像小孩得到糖果般，高興得大叫大跳。考完後，愛人又請我吃雪糕，但未吃完一半，已經滯得很。我好幸福好感動很愛你。
今晚巴西vs瑞士，原來盧森堡聯隊便是瑞士，我從來都不曉得。為了我考完試，這是第一個慶祝，然後不眠，早上看龍舟，看大隻佬爬呀爬呀爬。另，一會兒還要叫hopi起身和執碟。

終於考完試，拖了個幾星期，終於完了。
迪比亞路好有男人味，卡卡張相有點像C朗，其實卡卡都幾好，我考慮喜歡他。
哈哈哈哈
我對特刊愛不釋手。

我面前世界極甜

突然世界甜到漏。
特別在播完這首歌後。

樹葉綠 地會知
願望 願你知
愛得似 一首唐詩
誰和誰 在今天 享受萬世的糕點
看看床前 看看月兒 甜像拔絲

耍向東 想有溫柔似東方
耍向西 都有思念到東方
浪漫時就從唐朝轉入糖街
春風滿天 男孩叫我心甜
我不敢可猜七重天意
願愛多一千闕美麗唐詩

情易散 糖不甩 誰是幸福的愛人
雲在天 甜在心 會唸辛棄疾
很想哼出三生注定的音韻
緣易變 糖不甩 誰又認真的愛人
林在山 甜在心 要像鴛鴦戲水的陪襯
我會給紅豆吻 你耍雙節棍

currently listeing: 糖不甩(薛凱琪)

溫書是件苦事

溫書溫到悶。
原來考完一科後要heir一個星期是件苦事。
呀娜考完了，唐文龍也只剩一科，但我卻有三科未考，堆在兩天內，要了我的命吧。

是因為考試令到髮質變差嗎，好火文。
但肯定是為了溫書令皮膚在趕完paper後沒得過休息。
趕完paper後考試，想點，殺了我吧。

我要看達文西密碼，我要看9月詹瑞文重做的萬世歌王，搵人帶我去帶我去，鳴鳴鳴。
我又想去濕地公園，帶我去帶我去。
我有好多野想做．．．

currently listening: 我話事(pingpong)

一年

凌晨聽到黃金少年，讓人很頹，因為，劇情反映的太多，太慘。

時間過得很快。
一年，就這樣過去了。
再哭，不是因為失去，而是想念。

也許我真的長大了吧，
但，我仍然沒有再失去一個人的勇氣。

只得你
承受我的狂或野

瀕臨精神崩潰的人

我很努力地溫書，7套電影我讀了6套，很厲害吧，其實讀完後套套都唔熟。

巴塞贏了，我很高興，亨利不轉會，我更高興，因為一邊可以憎阿仙奴一邊憎亨利，一舉兩得。
為什麼會憎阿仙奴? 因為好耐之前已經憎，當年應該是為了曼聯而憎，那已是幾年前紅魔還算是勁的時候。現在我也討厭車路士，因為懶有錢。那為什麼會憎亨利? 我真係唔知喎，總知我對他有著極度的偏見。
世界盃還有大半個月，我現在要平復前晚看波的心情，溫完書，再為巴西歡呼吶喊，畢竟我由94年便開始撐巴西了，還未到8歲的時候，話咁快仲有半年就告別1字頭了，無奈。

我是一個很典型的射手座。
典型到難以否認自己是名射手。
噢，對感情自私，一是一走了之，一是逃避。全中。
我只會跑，因為我也是個人馬，有4隻腳，跑得很快。

在太空的最後一日

昨天，我十時四十分出門口，差不多十一時到達課室門口上十時的堂。

今天發現，他對我很好，有時候受人影響太深，而他沒解釋過什麼，相處後，其實他待我不薄，所以我不討厭他了，真的不討厭了，因為其實他也是個好人嘛，以前是我偏激也是我偏見了。

今天交了3份paper測了2個驗，放學的一刻好爽，因為我又畢業了。
畢業，原來一年的時間好快，也許過兩年我又畢業了，接著再讀master，永無止起地畢業畢業畢業。

凌晨上演好戲碼，亨利 vs 細哨，亨利有什麼好? 我承認我對亨利有偏見，但細哨明明高出好幾班，所以我撐硬細哨，細哨，你一定要踢好d，帶領巴塞捧個盃返黎。
呀娜終於揀好支持阿根廷，和pearl做死敵，皆因pearl撐的是英格蘭，我仍愛我的巴西!!!!!
悅目的進攻足球必勝!!!!!!!!!
ps. 假如你喜歡亨利，不要讓我知道，我會發瘋!!!!因為我對亨利有著極大的偏見。

珍珠打到黎喇

珍珠因為已經完sem又未到實習期而在家裡悶得發慌，故此於數日前變身成颱風先襲菲律賓，殺死廿幾人，現在又轉方向殺到埋香港，繼續殺人，現已高掛1號波。

如何在10天內失去1個人，我現在對此課題手到拿來，
就如我現在對青少年罪行和搶劫罪研究得死去活來一樣。
雖則未曾擁有過的不算失去。

如果有一個男朋友仔願意為自己用m巾5日，我真的會很感動。
剛剛看完了篇文，並和颱風珍珠討論完，那男的真的很細心囉。

續．

sem真的快尾了

今天是母親節，我逛了半天街，再回家完成paper一份。

在esprit看到很多想買的東西，等考試後慢慢掃。
考完試後要做的事很多。
首先要去善用香港大學資源去打波；看世界盃，力捧巴西；很想去濕地公園，有沒有人可憐我帶我去；看達文西密碼，電影加小說；看荒人手記和男身；嘗試去找parttime，我不要做fulltime；聽演奏會，6月20和7月20；去看phantom of the opera，好像是7月26(我忘了入錢!!!!!)；去深圳掃書；去麗江定烏鎮定周莊；游泳；煲碟(電影加劇)．．．
每年暑假都是這樣忙。

珍珠打到黎，我在竊喜，我愛煞在下雨天溫書做功課，快點下雨吧。

明天要溫完書，再做完另一份paper，突然覺得自己效率好高好高好高。
今天才發現原來我msn都有唔少人。

我真的很想很想去濕地公園，有沒有帶我去，嗚嗚。

頹廢的華麗

上學去，手電沒電，就這樣過了一下午。

星期五的症候群，晚上顯得有點悶，天氣太熱不欲走上街，太多paper未完成更不欲走上街，msn中又沒幾個人給我意欲去聊，好可悲的週五晚上。
所以，我只好溫完feminist theory，又再次仆去看世婉末的華麗的references，好讓我在明天能完成整篇書評。
再者說說今天的中文堂，博士把工作紙和仿作派回，我作開放式結局上腦，再加上賣弄少少技巧，得到個高分。我這邊廂作開放式結局上腦，jennifer就自顧自的flashback上腦，也博了個高分，那呀ming呢? 我今天食了她好多糖。還有，終於看見大芒果在太空彈黎彈去，十分無奈。

明明只帶了4份motes回去，但帶回家的卻有一堆紙。

星期五的症候群再加上世紀末的華麗，讓我有頹廢的感覺，我決定了暑假我也要把荒人手記完成。
熱度減退，正常不過，有人訝異這次太快，其實說來說去，我也不知他算什麼。

任性地選擇流浪我認為這是對的

我想去流浪，假如有一天，你找不到我，電話打不通，上線不見我，在別人身上找不到我的消息，那我必然是去了流浪，去體驗生活，體驗文化，找尋快樂。
我認為流浪很適合我，也許我賺了一筆錢後，便辭工流浪去，去維也納學音樂好不好，然後在奧地利街頭賣藝，假如如此，我便要學小提琴笛或二胡琵琶，因為我沒可能搬一座鋼琴去街頭賣藝，我只好學拉二胡讓歐洲人驚到好奇，然後再賺取生活費，再在異國朗誦一首落花流水。

今天完成了最後一科present，然後放縱自己和增強成熱帶風暴的珍珠及重色輕友的樣衰唱畸去，一去到先看到一堆舊歌，叫了難吃的東西，凍檸茶不好喝，今天主題是少女加失戀。
亂走亂hea，送珍珠回家，和樣衰分手，與李翠盈會合，乘車時偶遇peggy。
我發現現在的sales異常熱情，當我在節拍看緊碟，無啦啦個sales走過黎伸左個大拇指係我面前，說了句「好睇」，而我手上是拿著戀香，雖然我認為有男仔欣賞戀香是一件奇怪的事，但我的心中想說「我一早睇過喇喎」。

我要為著日後的流浪而計劃好，哼著旅行的意義和自由行出發。

我還有3份功課，一個test，這陣子皮膚差，睡不夠，頭又痛，多野做，我的人生仍是灰帶點偏紅，是浪漫灰帶點橘紅。

夏天是個矛盾的東西

這幾天，不夠睡，皮膚差，唔想出街，唔想做野，夏天，未到盛夏已經有盛夏的感覺，熱到想喊，有沒有討厭夏天的歌，我不要高唱全身暑假了，我要去游水，暢泳讓人身心舒暢。

明天最後一科present，第1組，希望人人未訓醒，唔識問問題來插我地組，雖然肥仔同大頭怪會好勁地回返人地既問題。crime paper開始做，明天買完鞋，希望買到，便仆去中央找reference，我要研究爆青少年罪行。
小說交了，名字叫被牽走的心去了那裡，我竟然淪落到要寫愛情小說來交功課，迫不得已。唐文龍說很張曼娟，我有張曼娟一半就好了。

想起來了，這個暑假我要完成男身。
考完試即仆去看達文西code，到時候還有沒有未看而又有空陪我睇?

夏天讓人開心卻又熱到想喊。

隱約感到不安

我總感覺到有些不妥。

小火花擦出了，會燒得起嗎？

窗邊兩水 拼命地侵擾安睡
又再撇濕亂髮堆
無須惶恐 你在受驚中淌異O怕 愛本是無罪
請關上窗 寄望夢想於今後
讓我再握著你手
無須逃生 世俗目光雖荒謬
為你 我甘願承受
願某地方 不需將愛傷害
抹殺內心的色彩
願某日子 不需苦痛忍耐
將禁色盡染在夢魂外
千種痛哀 結在夢魘的心內
願我到死未悔改
時鐘停止 我在耐心的等待
害怕雨聲在門外
若這地方 必須將愛傷害
抹殺內心色彩
讓我就此 消失這晚風雨內
可再生某夢幻年代
看完碟後，極度喜歡這首歌，而那一幕亦是我最喜歡的一幕，梁祖堯和周國賢真係好襯。
其實首歌真係好感動，配返落去阿祖同勞斯當時既場面，真係好感動。
無須逃生　世俗目光雖荒謬　為你　我甘願承受
有時認為同性間的愛情很美，很會堅持，但是media弄出來的一個錯覺嗎?

昨晚的一段談話，我開始發現想像的比現實還要美，
是我不應去探究他，還是這樣做是對呢，
但其實我又沒有失落的感覺，
原來火花有時會很快便熄滅。
比想像中快。

currently listening: 禁色(何韻詩)

今天的目的是陪呀娜

早上回去打球，生活好健康。
呀娜呆等我一小時，對不起，我以50F將功補過。
唱畸繼續少女兼夏日，由初夏的全身暑假到盛夏的夏日狂嘩森巴皇后，我感受到夏日的威力，好開心。

下午約了珍珠，而樣衰則因重色輕友失了蹤，所以我們要封殺她。
下一站是真光，n年沒回去，在幼稚園門口先撞到熟人，其實佢叫我個陣，我以為佢唔係叫我，好彩反應快先記得佢係邊個。呀娜換不了公仔給我和珍珠，又冇野食，連一兩粒白兔糖都沒有，只得到梁佩玉一句「你地係咪仲讀緊中七，岩岩考完試」，呆左。接著有馮少芝明明唔記得我地三隻野係邊個但都好有禮貌咁講左句野，無奈極了。仲看到當年的好朋友6號chloe，好驚。
其實今天主要行程是陪呀娜，陪呀娜在真光走黎走去，連水都飲唔到一滴。

落cwb陪珍珠吃午餐，其實當時已經是快將5點的時間，幫呀娜尋找回憶，究竟當年是誰帶啤牌返學，我好想知!!!!另，將當年震憾的意外重組一次，我認為我的推斷應該冇錯，事情應當是那樣。啦啦啦

反正我說話不用負責。

回家後看梁祝下世傳奇，好好看，感動得要死。
禁色那一段做得好到想起來拍掌，梁祖堯和周國賢太襯，我真係信佢地係一對囉。
如果再做，我會仆去睇。

currently listening: 勞斯萊斯(周國賢+何韻詩)
其實我想知好耐，究竟點解大開眼戒會叫左做打回原形，雖則我喜歡打回原形個名多一點。有冇人答到我

誠徵人1個陪看世界盃

愛人也喜歡這首歌
I love you 我不知不覺愛著你太多
I love you 卻不想跟他分一杯乳果
和愛人約好了考完試去唱畸，我一定會唱這首，同時怒睥著那個他。
愛人說上世欠了姓李的人，我是其中一個，啦啦啦。

長洲有飄色看，筲箕灣有彭公誕，唐文龍竟不知自己樓下都有飄色睇，我十分無奈。
李媽媽對我說，在未來不想在電視上看到男朋友仔拖著我去看飄色，那我只好說咁我地去南丫島食海鮮囉，李媽媽當場怒睥我。
早知仆過去筲箕灣看飄色啦，蝕左。唔知唐文龍有否落去玩飄色呢?

替李翠盈買了missha teatree lotion，廿蚊支好抵，明天讓我再買一支先。
李翠盈，你咁窮，與其買DHC，不如幫襯missha啦。
開倉後，我認為missha好抵。

這幾天，他很忙，等他忙完後，到我忙，我忙完後，再到他忙，要等到6月，我才可以盡情地煩他，嘩哈哈。
問題係，到6月我煩我個世界盃去，我還會有心思時間去煩他嗎? 值得疑問．．．
現徵人一個陪我看世界盃，不吃煙只喝酒但不會喝醉兼不會喝到發癲(因為發癲個角色係我做既!!)，最好支持巴西討厭德國，對英格蘭不大喜歡，認為迪比亞路係一個好男人，當我看到唔開心兼心情暴躁會呵返我。
duncan問我「你依家揀男朋友咩，咁多要求」
我回應道「揀人陪睇波喎，起碼對住幾個鐘，費事我只顧著睥佢唔記得睇波」
duncan再問「好心你呢d女仔就訓多d覺人都健康d學咩麻甩仔睇波呀」
我再回應說「你再講你信唔信我捉你返香港陪我睇波」
總結：世界盃對我太重要。

FIFAFIFAFIFA

好想把舞台劇看一遍，現正搜尋目標。

昨天陪了李翠盈elvi去搵工，結果今天李翠盈收到電話，明天正式上班，由6點半到5點，但得4k，然後我想起上年我每天上10小時有6.5k，頓覺李翠盈份工好唔抵。
現在，我在想，我應該過了世界盃才搵工，還是一路搵一路睇世界盃呢。
4年一次，我認為世界盃比搵summerjob更重要。
FIFA世界盃是我的一切，啦啦啦。

重慶森林後，我想看一遍墮落天使，然後我喜歡Happy Together，咩事，做咩做左王家衛fans?

巴西出了WINNING ELEVEN的名單，首場對完羅地亞將會是這11個人。
DidaCafu/Lucio/R.Carlos/JuanZe Roberto/Emerson/Kaka/RonaldinhoRonaldo/Adriano
很期待漂亮的進攻足球。
西班牙也出了，沒有犘連迪斯，古迪連33人也入不了。

為什麼是終於

我今天開了七個小時會，而明天需於早上七點四十五分回到學校準備present，再者，把明天一同計算，我連續3天開3個不同科目的會，我很可憐，所以我已變成喪屍。
我還有電影paper未做，明天要把字嘔出來，我會大談金城武的戀物癖，在重慶森林裡。

開了七個小時會後，與李翠盈相約旺角地鐵站一起回家，她說她終於看到他，我帶點無奈，我是被威迫下出賣了他，還有timothy。明天有空的話便帶李翠盈去掃貨。

好眼訓，print完野便睡，然後明早殺敵去。

需要一個過渡

事情有時候並不如想像般順利，也不掌握在自己的手上。
不過也許只是一個過渡，習慣性的過渡。
突然感到有點害怕，假如這不是一個習慣性的過渡，而是一個認真的遊戲，那怎麼辦?
我變成其中一玩家，被迫認真地玩著這遊戲。
我喜歡玩，但認真的遊戲卻從未玩過，也不想玩，認真的遊戲是要負責任的遊戲，是無論輸贏也要負責的遊戲。
可怕，那既然是這樣，我不要陷入於此，也不要玩。

所以，我希望這只是一個過渡。

已經是血紅帶瘀了

我開始意識到陰霾在腦海在體內不斷蔓延。

我們其實知道，我們都懂
它不在我們之內
它在遠方
深埋於他者的胸膛
從未被他發現
如隱疾
一天終於會在意想不到的時候
開出一片糜爛
血紅，帶瘀，那樣痛

愛情給楚 劉芷韻

陰霾是一個揮之不去的東西，無論我多努力多用心，它都不自覺地在腦海體內存活下來，並且無意識地影響著每一條神經。
神經開始痛，是為了什麼。
每一次抽搐是告訴了陰霾的迫近，是告訴了陰霾的可怕，是告訴了陰霾的存在。
我很想停止這種抽搐，但神經的痛只會加劇，因陰霾不斷的蔓延。

買 字花

copy from 愛人的blog
終於買了，在商務。
29元一本樣子精美內容絕不空泛的雜誌，我認為很抵。
並且不像時下八卦雜誌，字花足以餵飽我1個月。
大家該多多支持本土的文學雜誌。

今天看了重慶森林，不得不承認，我認為王家衛早期的電影比後期玩postmodern好看千萬倍。
當年梁朝偉又真係幾靚仔，唐文龍，我沒特別意思。

美好的東西，有時候，想尋回再回味一番。
很可惜，當想再拿出來感受一上美好，它卻躲起來和你玩捉迷藏。
但，我又不該放棄，該怎麼辦?

currently watching: Chungking Express

愛情可以走多遠

昨天看完一個blog裡的文章，同性的愛情可以走多遠，然後看見有人回覆說「你該問問，愛情可以走多遠」。
對，愛情可以走多遠?
能走遠的是愛情或是感情?

說同性的愛情走不遠，大概是steroetype了是reinforce prejudice了是政治不正確了，原諒我ccp present上腦。homosexual到現在還是壓在heterosexual之下，dominant不了，也形成了很多homophobia，其實同性的愛情也可以是純淨的。
不要有意無意用homo來造句子，什麼同性的愛情可以走多遠，我認為作者是定了個答案，回覆者那個問題更值得深思，愛情可以走多遠，我看完後，想拍手!!!

小說依著那個我本不想寫的大鋼寫了500字，首句是「我的青春大概迷失在四年前的那個夏天。」。然後接著是一大段我認為不會是意識流的文字。
我想很朱天文地寫這個小說。
我真的不想寫這個題材，卻又沒有多餘的時間來想另一個題材情節，結果死死地氣寫回師生戀這題材，想死。

今天晚上，我發現我生存的作用了，就是幫人做paper。繼幫過唐文龍做paper後，這次的對象是讀bba但唔知點解又讀左sexualandgender的呀娜，這可能是命運。呀娜今天present的poster中的圖片由我提供，張相整到咁大都幾靚!!!

currently listening: Get A Life演唱會(eason)　

學懂後

學懂了。
有時候，放不下的事，就算如何盡力地把它放下，它依然在心頭浮現。
我並不認為時間可以丟淡，也許，我該相信這一套，好讓自己淡忘一些。
或者，是我太執著地要去忘記。

我無啦啦愛上鈕承澤的愛的箴言。雖是一首很老老老的歌，但真的好聽和足以付出一噸眼淚。
昨晚拍死了一隻蚊，不期然想起了路易斯跟我說的鬼蚊，很滑稽。

我將你的背影留給我自己
卻將自己付給了你

我沒和他野過餐

野餐　給父親 　夏宇

父親在刮鬍子
唇角已經發黑了
我不忍心提醒他
他已經死了

整夜我們聽巴哈守靈
他最愛的巴哈

我們送他去多風的高地
行進一個乾燥繁瑣的禮儀
給他寬邊的帽子,檜木手杖
給自己麻布的衣裳
組成整齊的隊伍
送他去多風的高地野?
送他去一個不毛的高地野壑瑂E一堆火,燒起薄薄的大悲咒
我試著告訴他,取悅他
「那並不是最壞的,」「回歸大寂
大滅,」無掛礙故
無有恐怖

他馴良而且聽話
他病了太久,像破舊的傘
勉強撐著
滴著水
「生命無非是苦。」
我說謊。我24歲。
他應該比我懂,但是,
比呼吸更微弱,彷彿
我聽見他說:
「我懂,可是我怕。」

微弱,如眼簾的
啟合。我用美學的字眼
說到它,宇宙中最神祕的一部份
詩裡面唯一的主題.....
「現在,你能不能想起來
7歲的時候,我要你
給我買一套降落傘?」

我總是離題太遠
而且忘了回來

他等著,等很久
他說:「我怕。」
我不能同行
我委婉的解釋
他躺著,不再說話
他懂

他以前不懂,當我第一次
拒絕的時候,13歲
因為急速發育而靦腆
自卑,遠遠的,落在後面
我們去買書。
一個孤僻的女兒
愛好藝術......

參加的人都領了一條白手帕
回來

除了他。孤獨的
留下他
刮好鬍子
不再說話

繼續一場無聲的
永遠的野餐

詩

李翠盈，你不要破壞我形象。

少女情懷總是詩，我從一張照片終於悟出這個道理，在紅羞的臉頰旁，我看到了滿天飛的詩句。
哈哈哈哈
這四句句子會為我招來殺身之禍。
但，我要聲明我冇玩你囉。
這幾天，把少女情懷總是詩掛在咀邊，其實趁現在還是少女，讓詩句滿天飛也不是一件壞事，你又何必咁緊張。

我好喜歡愛人寫的這幾句：
其實 故事一直地 重覆著...
約定了 下世共我更傳奇
但如果沒有下世呢
梁山伯和祝英台
假如在今世碰不上
他們或者會忘掉承諾各自戀愛
又再跟另外的人約定下世
這樣子，約定會變了些什麼? 無關重要的東西。
梁祝之所以到現在還令人覺得如此淒美，是因為人們都認為他們會遵守諾言，在下世更傳奇。
是這個信念，而諾言何嘗不是一種堅持。
我再一次認為堅持其實是一個美好的東西。

假如自我口說「約定了下世共我更傳奇」，那必然只是個笑話，因為我的形象是滑稽又卡通。
因為呀娜的關係，找回一張好有意境的照片，叫做形影不離，看到一男伏在另一男的背上坐在一起，覺得好感動，莫名的感動。我覺得形影不離的形容很貼切，形影不離．．．
做paper是一件好痛苦的事，結果，我明明揀左hitch先，現在要把它放棄，我好對不起hitch呀，嗚。我只做how to lose a guy in 10 days，而且直覺上我會爆字，愈寫愈起勁，不是一件好事。
下星期六，明珠台930吸血疆屍驚情400年，好開心，入面音樂勁好聽，而且疆屍同喪屍都差唔多，都係屍，點都要支持下。

currently listening: 明目張膽(何韻詩)、感應(泳兒) 、我也很想他(孫燕姿)、心亂如麻(janice)

我很無聊，但其實我有好多野要做

隨便列出你認識的二十位朋友︰
(純綷諗到邊個打邊個[個名])
1. steven　2. 李翠盈　3. 唐文龍　 4. pat　5. hopi　6.　polly　7.　elvi　8.　小天使 　9. 呀娜　 10. 珍珠　11.　cyrus　12. jon　13.timothy　14. jessica　15. 花花　16. duncan　17.　愛人　 18.athena　19.janet 　20. 樣衰

[8號同邊個拍緊拖？] 我唔知
[9號係男仔定係女仔？] 女仔
[如果16號同12號一齊，會唔會好正？] 好正，但12號係我既
[18號同5號呢？]兩個女仔...
[17號讀緊乜？] Asso
[你同12號最後一次傾計係幾時？] 我真係唔記得
[6號最鍾意邊隊 band？] 佢鐘意周杰倫
[1號有冇兄弟姐妹？]有呀，家姐一個
[你會唔會溝3號？] ．．．我不會，我只是他的經理人
[咁7號呢？] 佢係我2佬，我唔會亂倫
[16號係咪獨身？] 應該係
[15號姓乜？] 尹
[10號叫乜名？] 李娜，以前奧運十米台跳水個個
[4號最鍾意做乜？] 做野囉
[13號吸引嗎？]　好吸引 !!!靚仔一個
[14號同19號會夾嗎？] 應該唔會
[20號讀緊邊間學校？] 考AL中
[隨便講 d 11號既野俾我知？] 好兄弟
[1號呢？] 都係讀緊asso
[3號呢？] 他是明星唐文龍，有一個地下情人和愛人李柏基
[你試過對15號有 feel 嗎？] 無...
[9號住邊？] 北角
[4號最鍾意乜色？] 唔肯定
[5號同6號係咪好朋友？]　係
[7號鍾意20號嗎？] 佢地唔識架喎
[8號同19號呢？] 都係唔識
[你點識2號？] 係入何東前的暑假識，從此我的生活再不平靜
[10號有冇寵物？] 冇，但有一個好”靚仔”既細佬
[17號係咪有史以黎最性感既人？] 咁驚<－我回返俾愛人

無聊完，我便仆去做paper了。
ps. 今日最無聊的事是squash呀sir竟然從msn提我聽日有堂，而更無奈是我同佢我唔返，佢同我講對唔住，令我好內疚，但我聽日都係唔返既。但結果，我竟然會返，咩事。
paper寫好了intro和plot summary，正準備入正題，好感動好緊張好興奮。

我捨不得你
天下沒不散的宴席
天下還有很多東西
更值得我去認識
我喜歡的東西再也沒有唯一
currently listening: 交換生(林苑x郭芯其)

一隻喪屍兩隻喪屍一堆死屍

我終於明白。
當厭惡一個人時，無論他如何地可愛，也是會厭惡的。
我承認，他是有那麼一丁點兒的可愛，但是可愛完後，還是那麼的討厭。
那，算是我的問題吧。
我希望，在完成這次合作後，可徹底地擺脫這個人。
近來，我討厭的人比我愛的人多，因為確實，在世界上，有太多人不合眼緣了。

呀娜在買完魅影飛後徹底變成一隻喪屍，我，則還在蛻變過程等待適合時機變成一隻喪屍。
sem尾的死亡率一直高企，當在msn無論和誰談話，誰也是說「就死喇」「死哂喇」「死左喇」，不如看看有沒有誰能躲過死的命運。

看了鈿說名城，今期是邵家臻帶我們遊芬蘭。我認為他說得很對，旅遊比觀光有多一個層次，既可尋找自我，又是尋找差異的經驗，觀光只是視覺的消費享受而已。我簡直想起身拍手讚同，很多人都把旅遊和觀光混淆在一起了。

我在聽Jill，發生咩事。
currently listening: Heartbreaker(Jill)、天下無雙(張靚穎)[高音成咁做咩，內地神雕俠侶插曲，其實個意境幾match]

我開始變喪屍

今天晚了起床，但很精神地回校玩九型人格，我是第7型，啦啦啦。
一玩完九型人格，繼續上堂，就好眼訓。我尋日都同呀ming講佢今日唔會返啦，結果咪真係冇返囉，佢又唔信，我比呀ming本身更加清楚佢自己。

唐文龍失左聲，把聲變得很樣衰和好似麻甩佬，笑到我死左。上1點，睇字細過粒米既ppt，呆左，本為了早走一堂，而在5分鐘起好個outline俾kenwong看，誰知道他硬要塞references俾我地睇，等了個半鐘。我要做methodology，好無奈，更無奈是kenez一句整埋黎「吹水係你強項啦」，什麼意思。今天我做起了1/4的ppt，但其實我5月9才要present，進度突然好快好快好快好快好快。 但我消化了一大堆05年香港的上映電影資料，依家飽到嘔。
明天繼續去中央影印，之後回家溫crime，晚上整理paper的資料，星期5開始動工，起碼在下個星期前，我要寫出introduction。也要把世紀末的華麗再翻一遍，要把題目定下來，是寫同性戀，寫頹廢，還是寫嗅覺，戀物癖，我要好好思考一下。

另，phantom of the opera已經開始公開發售，有誰想看就快點仆去買飛啦，我相信好快就會售罄。

其實呢幾日真係好凍，我真係覺得好凍，係咪我有問題?
唐文龍和李翠盈，有好趣的一個組合。

currently listening: Get Out (Jill)

結束也是另一個開始

看完陶吉吉演唱會後，會high3日，我把rundown存進了mp3，我癲左。

今天複習了crime，其實我應該去看reading，又繼續為romantic comedy進行調查，昨晚搜尋了ccp present的joke，而crime也有有用的判案書，一切只差幾個步驟便完成了。
今天去了中環但沒去探路易斯和大佬。下次吧。
看中了一對鞋，有黑綠紫3色．我想買黑，但竟然冇我size，我唔想買綠同紫，但就好岩著，我要等佢入返貨。

總覺得這應是個結束。
人物地點情節都把這一切推向末端，有時不是自己選擇文不放棄，而是根本輪不到我去選擇。
陶吉吉演唱會的舉行，我曾認為是一個預示，而今天則是個結束。
一切也結束了，是真的，結束了。
有時候，病痛被徹底根治後，便不會再復發。
而他，就是這樣的一個病毒。

值得看又讓人很感動並完全癲哂的演唱會

陶吉吉就是愛你驚奇之旅

和hopi相約6點半，但地鐵異常地快，不到廿分鐘，我便從炮台山飛到尖沙咀，幸好hopi和我一樣早到了。
很久沒踏足尖沙咀，去了citysuper吃麵，狂加調味料，然後便快步走去乘車到紅館，先去酒店偷廁所用再入場。

爬上了山頂， 對正個台，雖然電視mon被遮了一點，但view實在不錯。hopi旁坐了一對中年情侶，而我隔離則是一對母女，行的末端有一位呀嬸，我們堅守80後的位置。
8時半開場，liveband集合了各國藉的人士，有法國華人、奧地利、馬來西亞、中國等，這次耗費百萬以熱帶雨林為主題，先由印度人出場，接著陶吉吉從天而降，全場歡呼，他拿起結他，大唱找自己今天不回家。第一張專輯開始為人所熟悉的飛機場的10:30，很動聽。由飛機場的10:30始，抒情歌逐首奏起，愛我還是他月亮代表誰的心和vocal jam的討厭紅樓夢沙灘，和愛很簡易不相伯仲的流沙，joint school singing contest時那位名天才的guest的拿手好戲，但還是陶吉吉唱得好，流沙和送給anita mui的angel改以法國風格唱出，很甜。京劇響起，蘇三說，hopi旁的中年情侶，突然醒了一醒，足以讓我們懷疑他們買錯飛入錯場。鬼、黑色柳丁、孫子兵法把全場氣氛燒滾，貴飛區人人企起身跳舞，但在我們這區，只有我和hopi繼續大叫大嗌大力拍打手上的棒，很明顯，我們是癲了。
unplugged版普通朋友廿二無緣，然後再來搞笑的my anata，並為5060大唱英文金曲，比愛情蒲公英更精選的英文老歌，我只聽得出一首--uptown girl。
一個童話帶出Dear God，然後萬人大合唱愛很簡單，足足唱了十幾分鐘，我覺得很感動，而中年情侶很甜蜜，看來他們只是為了這首歌而來。
陶吉吉說自小便扮beegee，真的扮得很神似，陶吉吉好得意好有趣好搞笑，再配以一個beegee medley，又大扮周末狂熱跳舞，staying alive!!!!! 點題歌就是愛你是最後一首，其實我想再大嗌encore，我和hopi都很累，因為我們很癲。

想像到中年情侶完場後的對話：
「頭先個兩個死口靚妹好嘈」
「咪係，人地諗住聽愛很簡單架嘛」

hopi在開場前說欣賞陶吉吉的多數是中年人吧，像我們這年紀的少有喜愛陶吉吉，但我們這兩個80後在這晚玩得很癲，並且會更喜愛陶吉吉，起碼下次演唱會也有人陪伴觀看，繼續大叫大嗌歡呼陶吉吉勁型勁有才華把聲勁好聽好得意好搞笑。

喪屍大聯盟

我放下了romantic comedy至下星期再send outline給kenwong過目，而present的題目又定了為hollywood film industry和HK film industry，imc的事可放下一陣子，現在我為crime paper而耗費心力。
昨晚和nicole定了題目談童黨，我現在看判案書看到痴左線，點解冇中英對照，我認為看英文判案書是一個折磨，繼我前幾日看romantic comedy reference看到痴左線，我覺得看判案書個情況會不相伯仲。
我遲早變喪屍，故此要組織喪屍大聯盟，我要推舉依家就快變成喪屍既呀娜做主席帶領我地一班喪屍!!!!

唐文龍拜託我替他做一些極度重要的事，我覺得如果事敗，我會死無葬身之地，所以，趁我未死未犧牲，有什麼事便要快點對我說了，免得天人永隔。
我好可憐，生死未卜，想點。
死前最後一刻，我可能仍在看判案書，原來我真的很可憐。

後天便和hopi看陶吉吉，這事使我心情大好，起碼就算我仍在看判案書看到痴狙線，人生也總有一線希望。

續．
我繼續看判案書和等看向世界出發，還有唐文龍拜託我要做的事。有點無奈。

there's always a HITCH

鳴謝polly!!
終於今天揀好了paper題目，我要做HITCH，我要做爆romantic comedy。揀好了題目，我便再翻看一次HITCH，其實will smith真的好可愛好型，這個幾月我會看爆HITCH。
放下了一件心頭大石，現在該轉移目標到crime paper，題目仍未想好。

crime的題目我想是一時三刻未必解決，故此我繼續看romantic comedy，今天完成了how to lose a guy in 10 days，根據我現在對romantic comedy的了解，我深信我可以拍套可以大收既愛情喜劇囉。現在只剩等唐文龍急速還書，好等我有位借書開工。(霸左我d位咁耐，幾時先肯還呀，好心個本懶人成功術快d還叔出去啦，懶人係會懶到唔會睇最後其實咪又係成功唔到)我好炆，炆到想打人。

熱度退下了，其實沒什麼好愛，所以這個遊戲完結了。

只是過眼的雲煙，用手是捉不緊的

金像獎做完，在杜琪峰得到導演後，我在想會否讓如果愛得最佳電影，因為下年還有以和為貴來填補遺憾，但黑社會拿下最佳電影，我很開心，並在等以和為貴。sammi雖然輸了，但我認為整晚最大的贏家該是她，出鏡率比主持還要高。如果．愛很理所當然地橫掃音樂美術獎，其實其他獎也很實至名歸。
marco回歸903，仲要玩足球節目，好期待。

在勝家看見hopi唔見左電話，好慘，希望可以找回(但好像很渺茫...)，但也希望hopi別再唔開心喇，星期5我們便去看陶吉吉喇!!!!! 星期2晚有小四既訪問，我要記下來，好看清楚小四究竟是個什麼樣的人。(自從這人被唐文龍發掘出來後，我對他充滿好奇)星期5叔叔又回來，又是一大堆野做，我認為他，愈忙愈好，不知道這次又去邊間U教master呢。

假期沖昏了我的頭，我沒心機做一切的事，所以我決定明天要打起精神來，好好完成其中一件事。
wrong time，wrong place，我仍堅持這個說法。其實我很懂堅持，堅持去做某些事，也很懂堅持去放棄。數著數著，還有最後的5天，陶吉吉演唱會的完畢其實預示了一些東西。
至於這個月來在蘊釀的事，我認為只是又一場的過眼雲煙罷了。有時候，覺得只是自己用盡全力去說服自己去蘊釀，為了什麼? 我也說不上為了什麼，而我認為既然說不上也別費神去找尋為什麼，快樂過便算了。

怎麼我為我做過的感到驚怕
就像愛嗎
我也不肯定恐怕
我以為存在嗎　千變萬化　
從來不肯開口可相信嗎 離譜嗎
其實不會是愛，我為自己解畫。也免去了一些人的猜疑。
只是過眼的雲煙，何必太執著會否有結果。

我那迷失了的華麗

今天我終於開始閱讀世紀末的華麗了，我好喜歡。

自昨天聽完黃蒙拉為李克勤得心應手演唱會的深深深搵前奏後，我覺得佢好型好勁，所以我萌起念頭要學搵小提琴，但我很窮，沒錢學拉琴買琴。我又好想學中國笛，我深信學笛易上手過學管弦。且放長雙眼看，我的熱度會維持幾耐，說不定我真的俾心機學，好繼擁有鋼琴造詣後，再玩多樣樂器。我剛剛彈完童話，勁開心。
阿娜叫我不要學小提琴，因為下巴會痛．．．說起阿娜，我見到佢examtimetable，我便知道我起碼真的要6月幾先考完我的試。
grace說polly當年，大約在遠古時代的一人一藝學過，我要借琴黎玩!!!!!!!!!!!!!!!

原來下星期便和hopi去看陶吉吉了，時間過得真快。
突然之間好緊張。

今天看了三分一的世紀末的華麗，昨天看了柴師父，我好喜歡朱天文的手法，今天再看了尼羅河的女兒和肉身菩薩，看完了肉身菩薩，我覺得很感動，特別是那段對話，我真的說不上為什麼我會感動，
長榮，evergreen。小佟說，這樣打破了沉默。什麼? 他問。我有一個朋友在長榮，拚得跟條老狗一樣，小佟說。長榮海運，我朋友跑了兩年船，調回岸上，結了婚。
他說，我叫鐘霖，你呢?
走吧，小佟說。
鐘霖高他半個頭，爽爽落落，不黏。踫過的太多，憑直覺，他知道這次遇到了極品。願不願意告訴我電話，他問。
你叫什麼? 鐘霖再一次問他。
他想想，講了真名，叫我小佟吧。
伸出手，讓鐘霖把電話號碼刺癢在他掌心。我可不可以打電話給你?
鐘霖直直弄巴表示肯定，嘴角一扯笑了。怪怪那是眷村男孩才有的笑法，他熟悉到已經忘記的笑容，又出現了。我送你上車。
不，我送，鐘霖說。我送。他握住他的手，他也握住他的，比在床鋪上才感覺到了親密。夏夜如黑檀木沈香的街上，遠空中濕溶溶浮一團紅燈，不久化為綠燈，低空一盞晶黃小燈忽忽飄到跟前停住，一部墨藍計程車。他們已放開了手，眼睛卻互相依戀著。
我大概已想好我的小說該怎樣寫，我要寫得不庸俗，好想知道幾時交，好讓我快快下筆。其實還有篇書評，好想死。

currently reading: 世紀末的華麗(朱天文)

各奔東西了

我認為ccp最後落得慘死的情況，實是非戰之罪。
邊做邊與jennifer笑死，test前所預言的情況有人電話響、有人飲水聲過大、有人遲到開唔到張凳等皆應驗，笑到我地死。完場前半個鐘，看見阿ming個樣仍然苦惱，並且應該諗緊仲有乜野可以吹落去呢。
12點完場，仆去了探舊同事，鋪頭轉了去停車場旁，肥仔調了過黎，我在廁所門口被肥仔執了返去鋪頭，沒錯，是執了回去，肥仔還讓了凳俾我呢個客人坐，阿傑被肥仔屈要請我食飯。在教唐文龍去hku office時，肥仔一邊偷聽我電話一邊在自問自答，最後逼我入雜物房說我一個女仔竟然夠膽同兩個男仔其處一室，我心諗「肥仔大家咁熟邊個溶左邊個都唔知啦」，最後我逃之夭夭，欠肥仔一個生果籃。之後俾過去110探jessica，見到個黑人滿心疑問唔識點玩kiosk時，我有衝動走過去教佢，和jessica傾了一陣見佢地咁忙便走了。原來大佬和路易斯都調了去中環，等我下次去鏞記食野時探大佬同路易斯先。
其實今日上午回去midterm時，勁覺得自己仲係返緊工，依舊是10點，而我照樣是9點8才出門口，一直心諗會否遲到，但最後卻準時到達，有什麼理由唔駛15分鐘便能從炮台山直奔金鐘。途中有自由行好嘈，monique說我stereotype，我無奈。
回李媽媽約在地鐵站，然後去吃飯，再去美心找唐文龍拿書，隔離對高考男女說的話讓我們愕然:
「我諗我secton a應該有a，section c都係，section e可能有b，今日listening都好易，都應該有a」
「係啦係啦，我諗我都應該拎到a」
我和grace在狂笑，我想同高考男女講，如果你地拎唔到a，會否覺得自己很笨，並且是笨死個隻。

我在聽李克勤演唱會，深深深的前奏為黃蒙拉的solo，我覺得很勁很型同很好聽。
我聽來聽去，為何phantom把聲會咁，應該係雄厚聲黎架喎。

晚上，收到李翠盈的電話，其實我認為時間能丟淡一切，並且我認為，只是wrong timing, wrong place。被她說穿了，我是不想，在陰霾還未揮去的時候，我不要傷害人也不要別人傷害我，其實現在我也活得很好，而且生活精采，不是嗎? 雖然她未必認同我的看法，但我始終認為我還沒那種勇氣。

如何辛酸　如何淒慘　如何支撐
雖然苦　如何苦　療程至少都要訂時限
哀傷變做陶醉　就要再哭幾晚
我希望你能趕快好起來。

currently listening: 只怪我自己(劉若英)、堂堂男人/流淚眼望流淚眼(容祖兒)

而我就隨著野火走了入魔

CCP明天midterm，但我依家好炆。
我炆到痴左線，炆到想自殘一番，好證明我炆到癲左。
但自殘會好痛，兼且會留疤，好笨，所以我去左洗白白。
洗白白可令頭腦清醒，我清醒了數十分鐘，讀完identity。
讀完identity，再讀otherization，我又開始炆，所以唯有打電話去嘲笑李翠盈。
嘲笑完李翠盈心情大好，但之後再看返orientalism又繼續炆。
簡單一點來說，我整晚在炆，炆到痴左線，我好炆!!!!!
我明天上晝會更炆。

這會是最後的限期

4月14日將會與hopi奔去紅館觀看陶吉吉就是愛你個唱。
這會是個有意義的復活節，尤其陶吉吉個唱也在復活節。

soul power沒得去看是因為唐文龍，Love can就是愛你有得去看也是因為唐文龍，當真神又係你鬼又係你囉，yo。但這不是重點。
其實有些事過了這麼久，既然抓不緊倒不如把手放開，至少我也會得到鬆弛的空間。也其實以為自己會確實地放手，但兜兜轉轉，拳頭還是緊握著，放不了手才是真實的吧。也許過了這次，我真的能放手了，我也好想，真的脫離這個魘。 為什麼會是魘，我也不曉得，也許我當初並沒有捉緊你，手中的只是虛無飄渺的空氣，成為錯覺，就這樣，不知就裡緊握了那麼長的時間，可能最後把掌頭打開，那只團空氣罷了。