中上環。偷得浮生

等待第一筒leica z2x的出生，今天用了半天時間在中上環半山走呀走呀走，一筒38張的菲林，期待著。

星期五便開節，然後就是昏天暗地的日子，直至3月，在還未忙到死的日子，難得假期，還是到中上環偷得浮生，其實市區也很美。

很敗家地，第一站是到cotton on，我真的懷疑自己有買男裝的癮，但我真係覺得男裝tee真係靚好多喎，很喜歡那件tee。之後一直走上至藝穗會，再到中區警署，對面大廈的窗反映至中區警署的牆上很美。

石板街還是很多遊人，之後亂打亂撞到了蘭芳園。

吃了個撈丁，喝了杯奶茶，叫了個咖央，雖然坐係廁所出面，又有staff出出入入，但無礙食物的質素。吃完一餐，再往前走，去１新築地再食，叫了個牛肉飯定食，和sushi first kiss，當我半開玩笑說係咪食左真係有初吻既感覺，老闆娘半搭訕答我係，笑死我，不過初吻sushi食落真係好fresh，牛肉飯都好食，但係死屈我地要吞拿魚，明明佢仲有三文魚，切三片唔會影響晚市呀嘛...　坐係新築地入面，傾下遲d旅行既野，個feel真係好好，好似係外國咁，超正。
食完野開始今日既旅程，首先經過荷林活道以前既警察宿舍。

我很喜歡門口的那棵大樹。
走左上上面條街，再一直行就係遊樂場，很復古的味道，只有一張簡簡單單的波臺、跳飛機的圖案和兩個搖搖公仔，這樣的遊樂場在很久的以前滿足了多少個孩童？

之後不理前面是什麼路，只顧向前走，走到了醫學博物館，我竟然買到學生飛，管理員伯伯好好人，豪蝕五大元俾我。

參觀完繼續亂走，竟然走到去上環，然後又逛了海味街同蔘茸燕窩街，沿著路走回中環，去了h&m，被迫喝了廿四味，又去重遊爛屋，再從蘭桂坊回到cotton on，之後，和放工人潮一起坐地鐵回家了。


明天又要上班，決定趁休息時間，去尖咀間cotton on行下。