short trip。taipei 4

吃完早餐，在周圍逛多一逛，十點半準時去到台灣故事館。
剛開館，已經有一堆幼稚園/小學生在參觀。

這個故事館應該是給台灣人尋找自己的身份認同。
想起當時讀media and culture industries frankie說過的話，和香港歷史博物館一樣，每一個展品都是說著歷史和故事，去讓觀眾認同和建立自己的身份。

有消費卷，買左支酒，岩岩好NT300。


大約一個鐘就行完，其實早去都幾好呀，冇咩人。行完之後，就返酒店check out喇，check完out就拉住行李過對面既國光客運坐車去機場lu，岩岩好上到架車，其實間酒店真係好方便，我諗下次都會住返呢度。

2點40既機，大概一點就去到機場，可能算早去到啦，今次終於有窗口位坐，不過係機尾。
check完in就入閘喇，入到去就狂試食，鳳梨酥同埋芋頭酥，仲有好多款，仲有茶飲tim，hahahahahaha!
之後就行去C3 hello kitty候機室。
hello kitty迎接你.... pink globalization呀....
順帶一句，hellokitty鳳梨酥同太陽餅好難食。


好強勁既粉紅全球化，定係pan-asian identity?

候機室附近有蝴蝶蘭展。
上機啦，超好彩，由機尾開始入閘，所以好快就有位坐喇。

回程有王祖藍特輯睇，本來有friends睇，但係個畫面好快，被迫睇王祖藍。


好靚既藍天!

降落前又有好勁既氣流，因為香港又落雨，今次來回兩程都係遇上好勁既氣流同埋落雨又凍凍地既天氣。

完成一個旅程，又想計劃下一個，又心思思想再去北京，但係如果今年再去就係連續三年一年去一次架喇......

short trip。taipei 3.2

去完小白宮，行左去紅毛城，但冇入到去，唯有下次再去啦。係紅毛城門口影左兩張相，就搭車去漁人碼頭喇。
去到漁人碼頭，太陽已沒有那麼毒，但風很大，大得能把整個人吹起，沒什麼遊人，大概遊人都會在黃昏才來看日落。

吹了很久的風，然後走過了情人橋，乘車回淡水老街了。

去買魚酥去買野食去買手信，看到炸榴槤，細細舊要成NT40，又冇榴槤味，就放棄左，結果去左食日船章魚小丸子，wasabi汁超好食!! D章魚粒又大，超抵食。

買左D手信，就行左出去海邊，又係好大風...

行返去淡水車站途中就買埋魚酥，之後返酒店休息陣再出發去西門町。
由酒店出發去西門町，行過去都係15分鐘度，超方便。

去西門町又係買手信，買完之後就行左去紅樓，逛左一逛。


行完西門町，再去士林夜市，因為要encore豪大大雞排!

行街食野行街食野，已經冇手去影相lu。

short trip。taipei 3.1

又係睇電視睇到好夜，仲索性開住電視黎訓，都係差唔多七點幾就起身去食早餐lu。

今次試左個雪魚sandwich，其實好似魚柳包咁，只不過多左菜同蛋，又飲latte，黎台灣幾日，我已經愛上左latte喇。
之後又係酒店附近閒逛，去左康是美買mask，好彩自備左環保購物袋，台灣有某d shop都係唔會俾膠袋，要既話就俾一蚊至幾蚊不等。

酒店附近既街景，其實附近都有好多野食，有良品牛肉麵，又有胡椒餅，仲有easy shop tim。

呢度就係酒店出黎個條馬路，對住台北車站架，其實真係好方便，地下街出口都係對住呢條馬路。
返去酒店擺返低d野就出發去淡水lu~
淡水係捷運最後一站，我地落到月台架車係去北投就上左車，之後係北投落車再等下一架去淡水既車，都好快到。
出左捷運就去旅客中心拎info，d人好好人，教我地點行，結果我地決定由老街出發，去紅樓、禮拜堂、小白宮同紅毛城，再坐車去漁人碼頭。

其實去到淡水都十一點幾，老街d鋪頭都仲未開哂，試左d魚酥，決定返黎再買，去左d景點先。

首先經過福佑宮，係福佑宮再行前少少有條巷仔轉入去就係淡水紅樓，要上一條樓梯，其實紅樓已經變左餐廳，所以只係影左幾張相就走喇。

再行前d就係馬偕像，佢個像係馬路中心，後面幢building好靚呀，係個幢building隔離有條路行去淡水禮拜堂同埋偕醫館。

食左串蝦捲，都唔好食既，完全唔覺有蝦！周埋食完之後好口渴。得個脆字。
行入左條巷仔之後，就見到偕醫館喇，入面有得參觀，以前係間小型醫院黎，有d病床儀器展覽，介紹下歷史，醫館隔離就係禮拜堂喇。


呢日天氣真係好好，好勁既太陽，好大既風，好熱，成件事好唔make sense。

係禮拜堂繼續行上去，就係馬偕租屋，可能近醫館啩，細細間，只可以睇個門口。之後繼續行，過條天橋再上山，就係小白宮喇，依家憑3-4月發票可以免費入場，紅毛城都係咁，不過我地手頭上只有一張，所以就要俾多NT 40喇。
可能因為免費入場，所以都好多人黎寫生，其實小白宮好細架咋，不過坐度望到海又有太陽又有風，真係好舒服，偷得浮生呀。

出左小白宮再向前行就係真理大學，selling pt係流星花園係度拍... ...

淡水周圍有好多好靚既花，春天喇，開得好靚。