人既慾望係無盡，但錢係有限

京都．日本
既然主修asia studies，既然讀過japan in changing asia，仲拎埋丁，既然歐洲要捱肚餓坐貴車，不如去日本啦，近近地，又可以感受文化。
師姐儲唔到錢的關係，東歐去唔成，不過唔緊要，有異能人帶我地遊日本，仲有神探去，始終畢業旅行都係想成班人一齊開心一齊玩咋嘛，去邊度都冇所謂，但可唔可以有人阻止我唔好掃哂成個muji返香港。
結論係，人無左錢係唔得既。



大阪．日本

繼續．電影

在還未忙到癲忙到死之前，好應把握機會睇多幾套電影。
連看獨家試愛和十分愛，好辛苦，我只能說，鐘嘉欣真係幾靚，但可唔可以唔好成日做ｄ喊既角色，喊到好煩；完全唔覺方力申係十分愛入面係主角囉，stephy由頭帶到尾，但係，睇得好辛苦。

愛情呼叫轉移，07年大陸既賀歲片，有好可愛既徐崢，12個女人。

感情變淡紫色毛衣的老婆；懷了孕為孩子找父親的羅燕燕；有原則的女公安陳小雨；high爆青春少女龍小蝦；實際為上的單身女人潘文琳；高貴女老闆梁惠君；愛狗如命的波波；長腿多疑OL高菲；不用解釋的女醫生；在演唱會偶遇的舊情人。
有點像click，但變了手電，按一按並沒有加快演繹人生，卻是帶來不同豔遇，記錄著那些所謂的愛情。

鼠年行大運

新年lu，六十年循環，十二生肖之首，代表過多兩年，我就廿四歲。

時間可唔可以過得慢d，唔想咁快畢業，唔想咁快出黎做野面對世途險惡既世界，好好地珍惜埋呢個sem，過多兩年讀個master，個陣就會有d中年男師奶仔做同學仔，冇人會上堂同你玩，好悲慘。
今年拜左兩家年，開始發覺，當d老人家一個跟住一個走，拜年就愈拜得少，其實新年有咩意義，已經唔係細路啦，利是係一個象徵。終於，有人忍不住，說出了埋藏兩年說秘密，引來靜默，鼻子有點酸，也許，說出來對她好過點，美麗的謊言過久了也會變得不美麗，總是有人歡喜有人愁。

聽晚睇煙花。

香港是可愛的

我愛香港。

下大雪，卻成災

雪，可以很美，也可以是醜的。

有點慶幸沒有回去天津，否則現在我在那兒也應該是個問題。想不到北方沒下大雪，南方卻下得如此起勁。每天新聞看著廣洲火車站的人們，真係好慘，又凍野食又貴又冇車搭行開又冇左個位食完野又要去廁所去完廁斤又搵唔返自己個位又要重新排過落雨無遮又唔敢去買因為返黎又冇左個位又貴，真係勁慘情，成日話冇冬天，依家個天就話你知仲係會有冬天既仲係識落雪既，但其實我地要既冬天都唔係咁，不過都好過上年架喇，大年初一應該唔會著返短袖衫...

天氣凍到唔想出街，又唔想起身，但又發生另一件事讓大家很起勁很哄動，會唔會有公主復仇記? who know?

拼著凍死的精神再上深圳掃貨，yeah。
johnnydepp新戲快上，yoyoyo。
難以抗拒如此喪狂地又看了三齣電影，公主復仇記為應下景贈下興去看；JUNO好好睇，好感動，好鐘意，2月係香港上；love and other disasters，看了一半。

final year的最後一個semester，timetable讓人喜歡，星期三dayoff，星期四五到十二點就自由，實在太可愛了，最後一個timetable。

sembreak和電影

這個sembreak，難得的滿足。等待johnny depp的新戲，討厭中文譯名魔街理髮師。

大電影一和二和後現代生活，都是在說市井的生活，剖析現象和心態，大電影1足以拿來做chinese consumerism的例子，有曾志偉，姚晨第一次拍電影，腦海總是郭芙蓉的樣子，就像香港的處境劇，一百幾十集後，要轉型很難。大電影2卻有劉心悠，喜歡張達明李燦森和姚晨，姚晨好像放得更開，雖然一有曾志偉，但二還是比較好一點。

我更肯定，看岩井俊二，聽比看更為享受，沉迷在岩井俊二的唯美畫面，我認為聽覺得到的更完美。只有松隆子一個走走看看書騎騎單車，紅色的傘很美，結局很好，就這樣簡單，其實猶愛opening。彩虹老人院，人人都應該看一看，同志老人們的可愛，鄰居婆婆和小孩們代表著dominant group，其實homo也是人。有頂天酒店，像bartonfink般的大堂，不同的是多了很多人，2小時內酒店發生的人和事。

現在和愛的人一起生活嗎? 就連名字都引人思考，韓彩英很美，兩個女人掉進海的場景很熟悉，到最後說穿了，沒有什麼人也都能活下去。周末同床，韓國典型的情色電影，究竟點解韓國早年咁興呢類genre，極度好奇。至於裴勇俊個套不提也罷，全度妍係focal point。

becoming jane，比想像中差了點東西，最喜歡看跳舞的場景。the break-up，由頭到尾我都覺得個男人好嘈好煩，個幾鐘好難頂，捱到睇完，個結局好滿意，因為jennifer冇再同個男人一齊，由始至終個plot都依照著個戲名，分手就分得徹底，唔好再一齊。stranger than fiction，讓我想起自己係creative writing交既兩篇short story。

cashback，連看了短片和電影。簡單輕鬆的一齣戲，美味情緣這個名未用爛了n世，但故事演繹依然吸引。license to wed，iconography，在此之下，robin williams是focal point。

離開城市卻被另一城市所感動著

A VISTA OF PERSPECTIVES
當人人都話會凍到死時，我著左好多衫熱到嘔，出左成身汗，只因我懶唔想拎住件褸...

滿懷歡喜去左OCT-loft，好798，好掛住北京，但我都係鐘意798多d，但我又知我未行哂成個OCT。OCT近期做緊當代雕塑藝術展，關於modernization，矛盾衝突，認知思考批判，我覺得好值得睇，睇完係會諗野既。

Wenda Gu, Cultural Transference: From OCT to Oh! SHIT!

Li Hui, Trandmigration & Chen Changwei, Panda

Bai Yiluo, Spring and Autumn; Harris Kondosphyris, Alligator, 2007; Li Jiwei, Plastic City

其實最大衝突和矛盾係睇完呢個exhibition後，再睇左建築雙年展，modernization... 我要睇埋香港果個，互相呼應。

最正既係有好多video介紹深圳，仲有講深圳同香港，好想快d去埋香港果個。但一路睇一路諗起頭先個exhibition，modernization，危機。

之後去埋何香凝，但今日冇咩野睇，再回復到北京的生活，食mcdonald6蚊兩個批，再去沃爾瑪捐貨，超開心，有好多係北京成日食同飲既野，開心到暈，個度地方好靚，靚到唔想走，如果spend係果度一日，我都覺得抵。

我很好．我等你

劉若英，我很好。

劉若英，年華，我等你。
這樣子的封面，我覺得很美。

我，現在很好，可以重新起跑。

我那腐壞已久的身體

考完試身心舒暢，要開始正式調理腐壞己久的身體。

考完試當日隨即入沙田打邊爐，超正，除左廁所超遠之外。呱呱喪食，成程冇出過聲，勁過異能人，anthea好似媽媽幫我地整瀨尿蝦，喪飲汽水，同另一個anthea笑足成餐，芝心丸好食到癲左，仲有蜆都好好食，個度實在太多野食，天超抵喎，下次再去過。約好左22號去燒野食，順便開會傾畢業旅行，去東歐，用最少既錢去最多既地方，要捱都要去，anthea仲勁，話借大耳窿都要去，我地突然都變得好雄心壯志，開始做research，praque有平平apartment租，異能人都覺正。死都要去畢業旅行整窮自己再返黎繼續賺錢。

又飲紅酒，飲左半支都有，法國同澳洲，法國個支層次感多d，澳洲個支困味重d，我都係鐘意法國個支多d。d甜品好好食，近來喜歡食湯丸，本來諗住返大陸成大班人食開心d架嘛，唉，依家變成星期五去極short trip囉。

聽日約左ht-ers gathering，其實主要去拎手信，哈哈哈哈，順便去7仔買beer去海皮隊。
噢，我那腐壞已久的身體... 只能繼續腐壞下去。

我要玩

買不到票又窮導致回不成天津北京，唯有計劃另一個極short trip，期待興奮。

中國媒體及社會，由晚清至現代，由毛鄧至江胡，由媒體知識份子電視新聞傳播消費至通訊互聯網貧富懸殊環境問題，考試是殘酷的，話就話10揀4，但係每個topic都link實哂，溫完一個又要睇埋另一個，睇完知識份子冇理由唔睇埋鄧小平，溫完新聞傳播又冇理由唔睇埋毛鄧期間的媒體，所以呢，李艾玲，請捱埋呢幾日佢，就可以去玩架喇，又或者一心一意打算返大陸發展，咁就會讀得好開心架喇。


from Cha Jianyin, Interviews of 1980s.

今晚有lord ring 1睇，實在吸引，但太夜，我又想過健康的生活。
考完試又再shopping，考一個試溫左幾日，將muji支筆就快用到冇墨，呢科中國媒體及社會確實勁。

2008

2008，你好。

換了playlist，想在畢業的今年去旅行，sem2前再去北京天津血拼探親，畢業旅行有錢去東歐冇錢去台灣環島遊，一切原是這麼美好。花完了錢再找工作賺回來，然後再去旅行，及時行樂呀嘛。

預計中，除了去西單南鑼前後海，還想去今日美術館，想去興穆買野，仲要幫尊敬的靈娃買野，幫媽媽同呀草買真野，其實3日夠唔夠...

出街食糖水先

2007，再見。

最後的ghost story

原來有些人從出現開始就註定不會是擦過那麼簡單。

這個幾星期，為flash生為flash死，由開始極度hyper做flash做sound，到最後半死import video同test movie，我以後死都唔做動畫界。好彩到最後一刻搞掂左個problem，令個flash成為只有macbk先睇到既動畫。
開始做最後一份paper，2500字short story，咁都算short咩，繼續寫ghost story，其實除了mystery/ghost story之外，我乜都唔識寫。所以我異常佩服呱呱會寫人鬼情末了之後現代激情篇，亦極度羨慕sandy寫說教意義甚濃的寓言。york，睇完細卜9名城俾左靈感我，依家好愉快地剛剛完成500字，今晚應該可以寫多d。

四五年沒再遇上過，究竟你正在做些什麼，我們一同弄傷的傷口都正在癒合了嗎?
你，總在沒什麼事發生的時候，在我心中被勾起。
是一個循環，沒完沒了。

無題．

o, christmas tree

自從星期日晚睇完love actually，我同兩個anthea沈溺係聖誕氣氛之中，久久不能自拔。為了在交paper前安撫下，換左個x'mas special playlist，yeah，開心哂。
大圍決定星期五交完paper過尖東睇燈飾，yo，christmas is all around!!!!

努力寫paper，要嬴神探呱呱，天安門，係十幾年前死左班大學生，十幾年後既今日，又有幾個大學生被迫死，就係我地... 唔想再捱通宵，唔想咁快死，雖然擺到明就係患癌高危人士，同anthea一齊攬住一齊死。
為左令自己更開心更有聖誕氣氛，decorate左個christmas tree，yeah，我要過聖誕要crazyshopping要玩。

christmas is all around。

過渡和進化．廿一

終於，pre完今個sem的4個sent，也由20平安過渡進化至廿一。
有驚無險寫完lang.，明明覺得有好多野寫，到最後連2000字都唔夠，奇怪得很，交到就算。成個wkend連續兩日不斷打字不斷同異能人同埋anthea chat不斷被神探呱呱打擊，最後神探呱呱被揭發答錯野，只因佢唔係pure blood，佢親生媽媽普通人特質害左佢。

生日夾在paper和present之間，其實年年都差唔多係咁，有hagendaz蛋糕食好開心，有stick食好開心，有好多人陪我好開心。facebk可以係一晚之間send幾十email俾我，真係嚇親。
special thanks to 師姐 秘書 anthea x2 異能人 faye twinie frankie bertha anna carey 揚 cyrus peggy 呀娜 唐文龍 pearl 林dy妹妹 auntie sleepy媽媽... & all of you.

星期三present，都話講9i7 QY會有反應架啦，搞到佢淨係問9i7，唔問其他野，so good。跟住同異能人同埋anthea去中央，影呀影呀影，我要大勝神探呱呱。
星期四我做左d咩? 應該係做好個blog，仲有做d咩呢，完全零記憶。

星期五，起唔到身，遲左半粒鐘，上唔上flash我都係唔識架啦，之後上anna，都係自己玩自己，再等3個鐘上呀paul，anthea & anthea做internet control，15分鐘個discussion俾我、異能人同呀慧玩哂，講左既野係三堂既總和，睇黎class participation分應該幾好，好彩有帶返星期3 present份script返黎先答到咁耐野，但個題human right真係一絕。
晚上，唐文龍騙我去地鐵站，我得到扭蛋作生日禮物，這是傳統嗎? 我要收扭蛋收到我死個日或者唐文龍死個日嗎? 感謝唐文龍，但可唔可以唔好再呃我。
我想去crazyshopping，睇中左件褸同jean，媽媽快d考完試陪我去crazy shopping啦。

岩岩交完blog，聽日開始寫paper同做flash。



from: suck uk