這個秋冬我會很格仔

太陽還是毒的，風還是熱的，人還是會不自主地流汗的，秋天彷彿還是很遠。


vivi 10月號好好睇，好多格仔，開始找回家裡的格仔，預備著秋冬。

這個秋冬，我會很格仔。

這個八月幹了些什麼

炎熱的八月，陰晴不定，這個夏天，香港彷彿沒有一個正常的周末，周末不是打風就是下雨，熱浪讓我懶洋洋，看著毒毒的太陽，我不想出街，下雨的陰天又不想出街，我已經去到很懶的地步.......

會考放榜前一日去了看哈利波特，我還沒看完書，只看了三分一，便沒動力繼續前進，太多名字讓我很迷茫，以為看完電影後會好一點，但這次電影只著重於愛情浪漫上，但校長之死依然讓我感到很傷心，期待大結局。

之後經歷crocs嘉年華(其實明明就係開倉)，估計crocs好快就破產，唔係唔會賣到咁平.... 但想講，街邊個D真係假到暈，膠味好臭D膠好差，但還是有很多人追捧.....

上星期，去了紅磡尖咀，好久沒吃時新，還是上次好味一點，這次有點乾身，之後走去尖咀，科學館排長龍，就上了訊號山，好累。


還去了電腦展，讓我見識到brother at your side，買了部printer，好重，仲俾巴士司機呃我上錯車，好眼訓......返到屋企攤抖完就裝機，裝完機便進行世紀大工程: 執屋，對，我說了很久，終於的起心肝執了.... 睇下我執幾耐........

山頂深度遊

7月31日，和sister anthea去了山頂，來回味畢旅的時光。

相約在金鐘，然後乘15號巴士去山頂，皆因我們都很窮又不是遊客，所以不搭纜車。 下了車，先去了蠟像館，買一送一優惠好抵，如果要花160大元，我寧願不去。

好唔似既周杰倫同好似既johnny depp。

近睇好似蛀牙既陳慧琳，可能係食得冰皮月餅太多。
還有好多蠟像，但其實好多都唔係好似。

行完蠟像館，就去醫肚，懷念畢旅第一步就係去食burger king，漢堡王!!!

我吃的是小華堡，sister anthea挑戰大華堡，兩個包其實個size相差好大。burger king的薯條實在太好吃。yummy。

吃完大餐就要去做運動消化，我們沿著柯士甸山道走，平時睇人D相唔覺得條路咁斜，我地呢D平時唔多做運動既香港人，行到嘔。
行左5-10分鐘就見到第一站柯士甸山道遊樂場喇，童年回憶呀。

好藍的天，好綠的草地，沒有了黎伯我們拍不了jump相。山頂既遊樂場果然同其他地區既遊樂場唔同，靚到呀，歐陸式設計。
有噴泉.......

休息過後，繼續我們的旅程。
先來看看維港的景色。

有個家庭應該係同我地去既路線一樣，佢地係亭到休息，我同sister anthea影完相之後就繼續行上山喇。
行左一段路仔覺得唔多妥，條山路冇行人路又冇其他遊人，照計去山頂公園冇理由咁架喎，所以我地打算行返落去問D豪宅既保安。未搵到保安先撞到果個family，佢地問我地上面有D咩，係咪有個公園，我地答only山路，其實我地都唔知，佢地聽到之後就走左喇，冇再行上去，到我地問到保安先知我地冇行錯，沿住山路直上就係山頂公園喇，行大約15分鐘，諗落我地好似fake左個family咁。

一路行一路好懷念係京都行山路去貴船神社咁，因為真係好似，不過香港呢條路崎嶇好多，又冇咩指示牌唔知幾時先到。而冇左黎伯，我地唯有自力更生影背影相。
真係行左15分鐘我地就到山頂公園喇。冇咩遊人，而公園個標誌性既亭裝修緊，我地就唯有影下景啦。

見到南丫島同香港南部。

我地搵到位坐係度休息，望住好靚既天同景，咁岩又有烏雲幫我地擋下太陽，實在太舒服喇。

行返落山其實好快，好似唔駛5分鐘就落到去.... 點解呢。

我地去到個有百年歷史既亭，坐左成個鐘係度傾計，出奇地唔熱，因為有風，仲吹到我地有打冷震既感覺。it's really nice to chat with sister anthea.
驚覺已經五點幾既我地，即刻行返落山，去pacific coffee飲杯野等影日落同夜景。
ice mocha
係pacific coffee享受住凍飲既我地，撥左個電話俾黎伯，因為實在太掛住佢喇，wahahahahaah，點都令佢有份參與我地呢個旅程。

一架架纜車，載著不少的遊人，上上落落。
係pacific coffee又一個鐘，終於見到些微日落既痕跡，我地衝左出去影相喇。

要等入黑，還要很久。


香港的夜景真的很美，東方之珠，但在美麗的背後，這些光污染，卻害苦了未來的我們。

your every smile, your every hello~~ 剛巧在按快門的一剎，樓下的相機也亮了閃光燈，做出這樣的效果。

趁著幻彩詠香江的開始，我們乘車回市區了，感謝這天的天氣，讓照片很美，也讓我們再嘗了一次畢旅的味道。